Filîpî 4:8 - Kurmanji Încîl

⁸ Bi kurtî birano, çi tiştê rast hebe, çi tiştê rêzdar hebe, çi tiştê dadperwer, çi tiştê paqij hebe, çi tiştê delal hebe, çi tiştê bi rûmet hebe û eger tiştekî hêjabilind û tiştekî hêjayî pesindanê hebe, hûn li ser wan bifikirin.

Peymana Nû (Încîl)

⁸ Heyneser xûşk-birano, çi ku bi rʼastîyê ye, çi ku bi maqûltîyê ye, çi ku bi heqîyê ye, çi ku bi hʼelalîyê ye, çi ku bi xweşîyê ye, çi ku bi firasetîyê ye û her tiştêd ku eʼsilî û layîqî qencgotinê ne, ser van tişta bifikirin.

Пәймана Ну (Инщил)

⁸ Һәйнәсәр хушк-бьрано, чь кӧ бь рʼастийе йә, чь кӧ бь маԛултийе йә, чь кӧ бь һәԛийе йә, чь кӧ бь һʼәлалийе йә, чь кӧ бь хԝәшийе йә, чь кӧ бь фьрасәтийе йә у һәр тьштед кӧ әʼсьли у лайиԛи ԛәнщготьне нә, сәр ван тьшта бьфькьрьн.

کتاب مقدس به زبان کردی شیکاکی

⁸ له دوماییگه، گَلی بِرایا، هَچی دِشدا گو راستَ، هَچی دِشدا گو رِزدارَ، هَچی دِشدا گو دوزَ، هَچی دِشدا گو پاکَ، هَچی دِشدا گو گِیر هَژه گِرِنه تِت، هَچی دِشدا گو گِیر مَحت گِرِنه تِت، هَگو دِشدَگ گَلَک باشَ، هَگو دِشدَگه اَرزِشا مَحت گِرِنه هَیَ، راستا وان دِشدانَ دا فِکِر گَن.

Filîpî 4:8 Referans Kwoze

یعقوب 3:17

Lê şehrezayiya ku ji jor e, berî her tiştî paqij e; piştre aştîhez, berbiwêr û nerm e. Bi rehmê û berê qenc tije ye, alînegir û ne durû ye.

نامَ بُ تیتوس 2:7

Di her tiştî de ji bo kirinên qenc bibe mînak. Di hînkirina xwe de durust û giran be,

Korîntî II, 8:21

Çimkî em ne tenê li ber Xudan, lê belê li ber mirovan jî hay ji kirina tiştên qenc dimînin.

Galatî 5:22

Lê berê Ruh, hezkirin, şahî, aştî, bîhnfirehî, dilovanî, qencî, dilsozî,

Petrûs I 2:12

Di nav miletan de jiyaneke qenc bijîn. Û eger wek ku hûn xerabkar in ketma we bikin jî, bila kirinên we yên qenc bibînin û di Roja Edaletê de pesnê Xwedê bidin.

Îbranî 13:18

Ji bo me dua bikin. Em piştrast in ku wijdana me paqij e û em dixwazin di her tiştî de bi awayekî rast rêve herin.

Tîmotʼêyo I 4:12

Bila tu kes xortaniya te kêm nebîne, lê tu di peyivînê de, di rabûn û rûniştinê de, di hezkirinê de, di bawerî û dilpakiyê de ji bawermendan re bibe mînak.

Efesî 5:9

ji ber ku berê ronahiyê di her qencî, rastî û rastdariyê de ye.

نامَ بُ تیتوس 1:8

lê divê mêvanperwer be, xêrxwaz be, sergiran be, dadperwer be, pak be, bikare nefsa xwe,

یوحنا 1 3:3

Her kesê ku hêviya xwe bi wî ve girêdide, wek ku ew paqij e, xwe paqij dike.

Petrûs I 1:22

Niha we bi ya rastiyê kir û canê xwe paqij kir, biraheziya we bê durûtî ye. Loma ji dil û can û bi germî ji hevdû hez bikin.

نامَ بُ تیتوس 3:14

Bila yên me jî hîn bibin ku xwe bidin kirinên qenc, da ku ji bo hewcedariyên pêwist bikarin bidin û bêber nemînin.

Romayî 13:13

Wek ku bi roj e, em bi awayekî serfiraz rêve herin; ne bi kêfkirina bi harîtî û serxweşî, ne bi fuhûşî û şehwetê, ne bi pevçûn û ne jî bi çavnebariyê.

Methelokên 20:7

Kesê rast di riya kamiliyê de diçe, Xwezî bi wan kuran ku li pey wî tên!

یعقوب 1:27

Li ba Bav Xwedê, dîndariya paqij û bêleke ev e ku mirov di tengahiyên sêwî û jinebiyan de here serdana wan û xwe ji lekeyên dinyayê biparêze.

یوحنا 1 3:18

Zarono, ne bi gotin û peyvê, lê bi kirin û rastiyê em hez bikin.

نامَ بُ تیتوس 2:2

Ji zilamên pîr re bêje bila di hedê xwe de bin, giran û sergiran bin û di bawerî, hezkirin û bîhnfirehiyê de saxlem bin.

Korîntî II, 13:7

Îcar em li ber Xwedê dua dikin ku hûn tiştekî xerab nekin. Ev jî ne ew e ku em di ceribandinê de serketî bên dîtin, lê em wek ên serneketî bin jî, armanc ew e ku hûn ya qenc bikin.

Kolosî 4:5

Li hember yên ku ji baweriyê der in, bi şehrezayî rêve herin û ji fersenda vê demê îstifade bikin.

Petrûs I 4:8

Berî her tiştî, bila hezkirina we ya ji hev re hergav germ be; çimkî hezkirin gelek gunehan dinixumîne.

Samûêl II, 23:3

Xwedayê Îsraêl peyivî, Zinarê Îsraêl ji min re got: “Bila serwerê mirovan li ser rastiyê be, Bila bi tirsa Xwedê serweriyê bike.

Romayî 13:3

Çimkî hukumdar ne ji bo karê qenc, lê belê ji bo karê xerab tirsdar in. Ma tu dixwazî ku ji hukûmetê netirsî? Tu ya qenc bike, tê ji aliyê wê ve bêyî pesindan.

نامَ بُ تیتوس 2:14

Wî xwe ji bo me feda kir, da ku me ji her neheqiyê rizgar bike û ji xwe re paqij bike û bike gelê ku ji bo kirinên qenc bi xîret e.

Filîpî 3:1

Bi kurtî birano, bi saya Xudan şa bibin. Îcar nivîsîna eynî tiştan min aciz nake, lê ewlehiyê dide we.

Romayî 2:29

Lê belê Cihû ew e ku di hundir de Cihû ye û sinetbûn jî sinetbûna dil e; ev ne karê herfê Şerîetê yê, lê karê Ruh e. Pesnê yê weha ne ji mirovan, lê ji Xwedê ye.

Îşaya 26:7

Riya rastan rastî ye, Ya Yê Rast, riya rastan rast dikî.

Methelokên 31:31

Ji keda destê wê bidinê, Bila karên wê, li dergehên bajêr pesnê wê bidin.

Tîmotʼêyo I 2:2

wisa jî ji bo padîşahan û ji bo hemû serweran bikin, da ku em bi hemû tirsa Xwedê û bi rêz û edeb jiyaneke bêhengame û bê teq û req bijîn.

Tîmotʼêyo I 5:10

û li ser wê bê gotin ku wê karên qenc kirine: Eger wê zarok mezin kiribin, eger mêvan qebûl kiribin, eger lingê pîrozan şuştibe, eger alîkariya tengezaran kiribe û li pey her karên qenc çûbe, bila navê wê di defterê de bê nivîsîn.

Dubarekirina Şerîetê 16:20

Hûnê rastiyê, tenê li pey rastiyê herin ku hûn bijîn û welatê ku Xwedayê we Xudan dide we, ji xwe re bikin milk.

Efesî 6:14

Îcar, pişta xwe bi rastiyê bipêçin û zirxê rastdariyê li xwe bikin

Selanîkî I, 4:12

da ku hûn li hember yên ku li derve ne, bi awayekî serfiraz rêve herin û hewcedarê tiştekî nebin.

Efesî 4:25

Loma derewan ji xwe dûr bixin û «her yek ji we bi cîranê xwe re rastiyê bipeyivin,» çimkî em endamên hev in.

Korîntî II, 6:8

di serbilindî û şermezariyê de, di navdariya xerab û di ya qenc de; em wek xapînokan tên hesibandin, lê em rast in.

شُله رسولا 10:22

Wan bersîv da û gotin: «Kornêlyosê sersed em şandin. Ew zilamekî rast û xwedêtirs e û ji aliyê hemû gelê Cihûyan ve li ser wî bi qencî tê peyivîn. Ji aliyê milyaketekî pîroz ve jê re hat gotin ku bişîne pey te ku tu bêyî mala wî û tiştê ku tê bêjî bibihîze.»

Yûhenna 7:18

Yê ku ji ber xwe dipeyive, li rûmeta xwe digere; lê yê ku li rûmeta yê ku ew şandiye digere, ew rast e û li ba wî xapandin tune.

Lûqa 2:25

Hingê li Orşelîmê mirovek hebû, ku gelek rast û xwedêtirs bû. Navê wî Şimûn bû. Ew li hêviyê bû ku Îsraêl bê handan. Ruhê Pîroz li ser wî bû.

Marqos 6:20

çimkî Hêrodês ji Yûhenna ditirsiya û ew diparast; ji ber ku dizanibû Yûhenna mirovekî rast û pîroz e. Gava ku guhê xwe dida gotina wî, ew heyirî dima, lê dîsa jî bi dilxweşî guhdariya wî dikir.

Methelokên 11:1

Mêzîna bihîle li ber Xudan kirêt e, Kevirê rast ê giraniyê pê xweş e.

Nivîsa Rûta Pîrika Dawidê Padîşah 3:11

Niha keça min, tu netirse, her ya ku tu dixwazî ezê bikim. Hemû kesê li vî bajarî dizane ku tu jineke hêja yî.

Lûqa 16:15

Hingê Îsa ji wan re got: «Hûn ew in ku xwe li ber mirovan rûspî derdixin, lê Xwedê bi dilê we dizane; çimkî tiştê ku di nav mirovan de bi qedir e, li ba Xwedê mekruh e.

Korîntî I, 4:5

Ji ber vê yekê, heta ku Xudan bê, beriya wext, dîwana tiştekî nekin. Xudan wê tiştên di tariyê de veşartî ronahî bike û niyeta dilan eşkere bike. Hingê pesnê her kesî wê ji Xwedê be.

شُله رسولا 22:12

«Zilamekî ku navê wî Hananya bû li wir rûdinişt, li gor Şerîetê xwedêtirs bû û hemû Cihû li ser wî bi qencî dipeyivîn.

Helbesta Helbestan 5:16

Devê wî gelek şîrîn e, Her dera wî xweş e. Wisa ye evîndarê min, Wisa ye hevalê min, Ya keçikên Orşelîmê.

Destpêk 18:19

Min Îbrahîm hilbijart ku li zarokên xwe û li nifşê piştî xwe emir bike ku hay ji riya min hebin û ya heq û rast bikin. Ezê jî soza min daye wî pêk bînim.”

یوحنا 1 4:1

Hezkirîno, ji her ruhî bawer nekin, lê ruhan biceribînin ka ew ji Xwedê ne an ne. Çimkî gelek pêxemberên derewîn derketin dinyayê.

Tîmotʼêyo I 5:2

bi jinên pîr re wek diyên xwe û bi jinên ciwan re wek xwişkên xwe, bi hemû dilpakiyê bide û bistîne.

Lûqa 23:50

Îcar zilamek bi navê Ûsiv hebû; ew endamekî civîna giregiran û mirovekî qenc û rast bû.

Methelokên 31:29

“Gelek jin hene karên baş dikin, Lê tu di ser hemûyan re yî.”

Methelokên 16:11

Mêzîn û elbikên adil, ên Xudan in, Hemû kevirên giraniyê, karê wî ne.

Methelokên 12:4

Jina çê taca serê mêrê xwe ye, Lê jina şermê tîne, rizîbûna hestiyê wî ye.

Tîmotʼêyo I 3:4

Bila ew qenc xweyîtiyê li mala xwe bike, edeba zarokên wî tam be û peyva xwe bi wan bide kirin.

شُله رسولا 6:3

Loma birano, hûn di nav xwe de, heft mirovên bi Ruhê Pîroz tije û şehreza bibijêrin û em wan deynin ser vî karî.

Metta 22:16

Wan şagirtên xwe û alîgirên Hêrodês şandin ba wî û gotin: «Mamoste, em dizanin ku tu mirovekî rast î û tu riya Xwedê bi rastî hîn dikî. Tu cihêtiyê naxî nav mirovan, çimkî tu li rûyê mirovan nanêrî.

Methelokên 31:10

Kî dikare jina çê bibîne? Qîmeta wê ji cewheran gelekî zêdetir e.

Îbranî 11:2

Bi vê baweriyê, bav û kalên me ji aliyê Xwedê ve hatin erêkirin.

Tîmotʼêyo I 3:11

Bi vî awayî bila jin jî birêz bin, ne buxtanker, lê di hedê xwe de bin û di her tiştî de dilsoz bin.

Korîntî II, 8:18

Bi wî re em wî birayê ku di dayîna Mizgîniyê de, di hemû civînan de pesnê wî tê dayîn, dişînin.

Samûêl II, 1:23

Şawûl û Yonatan şîrîn û beşerxweş bûn, Di jiyan û mirinê de ji hev veneqetiyan. Ji teyran leztir, Ji şêran hêzdartir bûn.

Petrûs II 3:1

Hezkirîno, niha ev nameya min a diduyan e ku ez ji we re dinivîsim. Di herduyan de jî ez fikrên we yên paqij hişyar dikim, tînim bîra we.

Zebûr 82:2

«Ma tê heta kîngê bi neheqî bidî biryar, Ji bo xeraban bibî meyildar?

Romayî 14:18

Yê ku bi vê yekê ji Mesîh re xizmetê dike, li Xwedê xweş tê û ji aliyê mirovan ve tê erêkirin.