Ezra 10:4 - Kurmanji Încîl

⁴ De rabe! Çimkî berpirsiyarê vê yekê tu yî. Em bi te re ne. Hêzdar be û pêk bîne.”

Ezra 10:4 Referans Kwoze

Dîrok I, 28:10

Niha binêre! Çimkî Xudan ji bo ku maleke pîrozgehê ava bike, tu hilbijartî. Hêzdar be, rabe û bike!”

Waiz 9:10

Ji bo xebatê her çi bi destê te bikeve, tu bi hemû hêza xwe wê bike. Çimkî li diyarê miriyan ê ku tu diçî kar û şêwir, zanabûn û şehrezayî tuneye.

Îbranî 10:24

Û em hay ji hev hebin, ku em hevdû ji bo hezkirin û kirinên qenc bişidînin.

Dîrok I, 22:19

Niha bi dil û can biryar bidin ku hûn li Xwedayê xwe Xudan bigerin. Rabin, Pîrozgeha Xwedê Xudan ava bikin. Bila Sindoqa Peymana Xudan û taximên wî yên pîroz bînin nav maleke ku ji bo navê Xudan bê avakirin.”

Dîrok I, 22:16

Zêr, zîv, tûnc, hesinê te yê bêhejmar heye. Rabe, destpê bike! Bila Xudan bi te re be.”

Marqos 13:34

Ev wek mirovekî ye ku mala xwe dihêle û derdikeve rêwîtiyê. Ew desthilatiya xwe dide xulamên xwe, karê her yekî dide wî û emir dide dergehvan jî ku hişyar bimîne.

Dîrok I, 28:21

Ji bo tevahiya xizmeta Mala Xwedê, beşên kahin û Lêwiyiyan, va ne li vir in. Her zilamê hoste û dilxwaz, wê di her cure karî de bi te re be. Tevahiya serek û gelê te, li benda fermanên te ne.”

Ezra 10:5

Ezra rabû û serekên kahinan ên Lêwiyî û tevahiya Îsraêl da sondê ku li gorî vê yekê bikin. Wan jî sond xwar.

Dîrok I, 28:20

Dawid ji Silêmanê kurê xwe re got: “Hêzdar û wêrek be! Here bike! Netirse û neşikê. Çimkî Xwedê Xudan, Xwedayê min bi te re ye. Heta tevahiya karê xizmeta Mala Xudan neqede, ew te bêkêr nahêle û te bernade.