Ester 9:4 - Kurmanji Încîl

⁴ Êdî Mordexay li qesrê kesekî mezin bû. Nav û dengê wî li seranserê herêman belav dibû. Her ku diçû, hêza wî mezin dibû.

Ester 9:4 Referans Kwoze

Dîrok I, 11:9

Her ku diçû hêza Dawid mezintir dibû. Xudanê Karîndar pê re bû.

Samûêl II, 3:1

Şerê di navbera Mala Şawûl û Mala Dawid de demeke dirêj dom kir. Dawid her ku diçû xurt dibû, lê mala Şawûl her ku diçû qels dibû.

Sefanya 3:19

Va ye, ezê wî çaxî belaya xwe bidim Hemû kesên ku li te eziyet kirin. Ezê kesê kulek rizgar bikim, Kesên sirgûnbûyî berhev bikim. Ezê şerma wan bikim Pesin û navdarî û li seranserê dinyayê belav bikim.

Methelokên 4:18

Riya rastan wekî ronahiya berbangê ye Ku heta nîvro her diçe ronahiyê dide.

Zebûr 18:43

Te ez xelas kirim ji pevçûna gelê min, Ez kirim serok li ser miletên din, Yên ku ez nas nakim ji min re evdîtî dikin.

Zebûr 1:3

Yên weha wek wê darê ne, ku li lêva avê hatiye danîn, Meywa xwe di demê de dide, Pelê wê naçilmise. Her karê ku dike qenc dike.

Dîrok I, 14:17

Nav û dengê Dawid li seranserê hemû welatan belav bû. Xudan tirsa Dawid xist dilê tevahiya miletan.

Samûêl I, 2:30

“Loma gotina Xwedayê Îsraêl Xudan ev e: ‘Bi rastî jî min gotibû ku mala te û mala bav û kalên te heta hetayê wê bi min re bimeşin.’ Lê niha gotina Xudan ev e: ‘Bila ev ji min dûr be! Kesê ku min rûmetdar bike, ezê jî rûmetdar bikim. Lê kesê ku min nehesibîne, wê biçûk bê xistin.

Yêşû 6:27

Xudan bi Yêşû re bû û nav û dengê wî li seranserê herêmê belav bû.

Metta 4:24

Nav û dengê wî li seranserê Sûriyê belav bû û xelkê hemû nexweşên ku ketibûn êş û janên cûr bi cûr, cinoyî, atî û felcî anîn ba wî û wî hemû qenc kirin.

Îşaya 9:7

Ji bo textê Dawid û padîşahiya wî, Wê serwerî her ku biçe zêde bibe Û dawiya aştiyê neyê. Wê serweriya xwe li ser heqî û edaletê ava bike Û ji niha û heta hetayê bidomîne. Wê xîreta Xudanê Karîndar vê yekê pêk bîne.

Ester 10:2

Mezinahiya wî, mêrxasiyên wî, rûmetkirina wî ya Mordexay, di qeydên dîrokê yên padîşahên Pars û Medan de hatine nivîsandin.

Derketin 11:3

Xudan kir ku gelê Îsraêl bikeve çavê Misriyan. Jixwe Mûsa li welatê Misrê, li ber çavê karmendên Firewn û gelê wî gelekî mezin bû.

Zebûr 92:13

Ew li mala Xudan hatine danîn, Wê li hewşa Xwedayê me şitil bidin.