Ester 9:25 - Kurmanji Încîl

²⁵ Lê gava padîşah bi van fen û fûtan hesiya, bi nivîskî ferman da ku ew fenên xerab ên ku Haman ji bo Cihûyan amade kiribûn, bên serê wî. Herwiha wî emir kir ku tevî kurên xwe bê daleqandin.

Ester 9:25 Referans Kwoze

Zebûr 7:16

Xerabiya wî tê serê wî, Zordariya wî ket ser wî.

Metta 21:44

Yê ku bi ser vî kevirî de bikeve, wê bibe perçe perçe û ev kevir bi ser kê de bikeve, wê wî hûrhûr bike.»

Zebûr 141:10

Gava ku ez têm û derbas dibim, Bila xerab bikevin dafikên xwe.

Zebûr 140:9

Bila serê yên ku dor li min pêça ne, Xerabiya ku ji devê wan dertê binixême.

Ester 7:5

Ahaşwêroşê Padîşah ji Estera Şahbanû re got: “Ew kî ye ku diwêre karekî wiha bike, li ku ye ev zilam?”

Ester 3:6

Haman qîma xwe tenê bi kuştina Mordexay neanî. Ji ber ku behsa gelê Mordexay jî jê re kiribûn, wî xwest ku tevahiya gelê Mordexay, ango hemû Cihûyên li seranserê padîşahiya Ahaşwêroş tune bike.

Ester 7:4

Ji ber ku ez û gelê min, ji bo ku em bên tunekirin, kuştin û helakirin hatin firotin. Heke em wek xulam û xadiman bihatana firotin, minê dengê xwe nekira, çimkî ji bo tiştekî wiha, hewce nedikir ku padîşah bihata acizkirin.”

Zebûr 140:8

Daxwaza xeraban neyne cih, ya Xudan, Niyeta wan a xerab pêşve nebe! Da ku qure nebin.

Îşaya 22:25

Gotina Xudanê Karîndar ev e: “Wê rojê wê singê ku li dera ewle hatiye asêkirin ji cihê xwe derkeve. Wê bê birîn û bikeve. Wê barê ku pê ve daleqandî ye jî tune bibe.” Çimkî Xudan wiha gotiye.

Samûêl I, 25:39

Gava Dawid bihîst ku Naval miriye, wî got: “Xudan pîroz be! Wî dadgeriya min kir û min li dijî Navalê ez bêrûmet kirim, parast. Xudan xerabiya Naval anî serê wî.” Piştre Dawid qasid şandin ba Avîgayilê û daxwaza zewacê lê kir.

Padîşah I, 8:32

wê gavê li ezmanan bibihîze, tevbigere û xulamên xwe dadbar bike. Gunehê kesê sûcdar çi heq kiribe bidê, kesê rast jî li gorî rastiya wî mafdar derîne.

Ester 7:10

Bi vî awayî Haman bi darê ku ji bo Mordexay amade kiribû ve hat daleqandin. Bi vê yekê re hêrsa padîşah jî kêm bû.

Zebûr 7:17

Sipasdar im ji bo rastiya Xudan, Lavijan dibêjim ji bo navê wî yê mezin.

Zebûr 94:23

Wî sûcê wan li wan vegerand, Wê bi xerabiya wan, wan bibirre û bavêje, Wê Xwedayê me Xudan, wan bibirre û bavêje.

Methelokên 5:22

Wê xerab bikeve dafika neheqiyên xwe Û bi benên gunehên xwe ve bê girêdan.

Methelokên 26:27

Kesê çalê dikole bi xwe dikevê Û kevir dizivire ser kesê ew gindirandiye.

Ovadya 1:15

“Roja Xudan a li dijî hemû miletan, nêzîk bû. Ya Edom, te çi kiribe, Wê hema wisa jî li te bê kirin. Wê kirinên te bên serê te.