Derketin 23:1 - Kurmanji Încîl

¹ “Tê xebera derew negerînî. Tê bi şahidiya zordariyê ji yê xerab re nebî alîgir.

Derketin 23:1 Referans Kwoze

Zebûr 101:5

Ezê tune bikim, yê ku fesadiya dostê xwe dike, Ez ranagirim yê ku ji jor de dinêre, dilqure ye.

Methelokên 19:5

Şahidê derewîn bêceza namîne, Kesê bi nefesa xwe derew dike wê nefilite.

Derketin 20:16

“Tê li dijî cîranê xwe şahidiya derewîn nekî.

Zebûr 35:11

Şahidên derewîn radibin, Ya ku ez nizanim ji min dipirsin.

Dubarekirina Şerîetê 5:20

“‘Tê li dijî cîranê xwe şahidiya derewîn nekî.

Lêwiyî 19:16

Tê di nav gel de fesadiyê nekî. Tê bi vî awayî zirarê nedî cîranê xwe. Xudan ez im.

Peyxam 12:10

Hingê min li ezmên dengekî bilind bihîst ku got: «Êdî wextê xilasî, hêz û Padîşahiya Xwedayê me Û desthilatiya Mesîhê wî hat. Çimkî sûcdarkerê birayên me, Yê ku şev û roj wan li ber Xwedayê me sûcdar dike, Hat avêtin xwarê.

Romayî 3:8

Çima em nebêjin: «Em xerabiyê bikin, da ku qencî jê derkeve?» wek ku hinek buxtanê li me dikin û tiştên ku me negotine davêjin ser me. Cezaxwarina yên weha rast e.

Methelokên 19:9

Şahidê derewîn bêceza namîne, Kesê bi nefesa xwe derew dike wê tune bibe.

Petrûs I 3:16

Lê vê yekê bi nermî û hurmetê bikin. Bila wijdana we paqij be, da ew ên ku li ser jiyana we ya qenc a bi Mesîh bi xerabî dipeyivin di wan tiştên ku ketma we dikin de, bên şermezarkirin.

Tîmotʼêyo II 3:3

bêdilovanî, bêrehm, buxtankar, çilek, har, neyarên qenciyê,

Efesî 4:25

Loma derewan ji xwe dûr bixin û «her yek ji we bi cîranê xwe re rastiyê bipeyivin,» çimkî em endamên hev in.

Methelokên 24:28

Bêsedem li dijî cîranê xwe şahidiyê neke, Bi lêvên xwe nexapîne.

Methelokên 21:28

Şahidê derewîn tune dibe, Lê kesê guhdar e, şahidiya wî herdem ewle ye.

Methelokên 10:18

Lêvên derewîn nefretê vedişêrin Û kesê buxtanan davêje bêaqil e.

Methelokên 6:19

Şahidê derewîn ê ku bi nefesa xwe derewan dike Û kesê di nav birayên xwe de pevçûnê derdixe.

Zebûr 15:3

Ew ku, bi zimanên xwe nakin buxtan, Xerabî nakin bi dostan, Ruswa nakin cîranan.

Lêwiyî 19:11

“‘Hûnê nedizin, hîle nekin û ji hev re derewan nekin.

Lûqa 19:8

Lê Zexayos li pêş hemûyan rawesta û ji Xudan re got: «Ya Xudan, va ye, ez nîvê malê xwe didim belengazan û eger min ji kesekî bi neheqî tiştek standibe, ezê çar qat lê vegerînim.»

Lûqa 3:14

Leşkeran jî pirsî û gotin: «Lê em çi bikin?» Û wî ji wan re got: «Bêbextiyê li xelkê nekin û bi darê zorê tiştekî ji wan nestînin û bi meaşê xwe razî bin.»

Metta 19:18

Yê xort jê pirsî: «Kîjanan?» Îsa lê vegerand: «‹Nekuje!›, ‹Zînayê neke!›, ‹Nedize!›, ‹Şahidiya derewîn neke!›,

Yêremya 20:10

Min pistepista gelek kesan bihîst. Dibêjin: “Li her derê saw heye! Giliyê wî bikin! Emê jî bikin!” Hemû kesên min xwe spartiye wan, Li benda terpilîna min in. Dibêjin: “Belkî bixape û em wî têk bibin, Wê gavê heyfa xwe jê bistînin.”

Methelokên 25:23

Çawa ku bayê bakur baranê tîne, Zimanê buxtanker jî rûyan dijwar dike.

Methelokên 25:18

Kesê li dijî cîranê xwe şahidiya derewîn dike, Gurz, şûr û tîrê tûj e.

Methelokên 19:28

Şahidê beredayî tinazên xwe bi edaletê dike, Devê xeraban neheqiyê dadiqurtîne.

Methelokên 17:4

Kesê xerab guhdariya lêvên xerabkar dike, Derewkar guh dide zimanê belayê.

Methelokên 12:17

Kesê bi nefesa xwe rastiyê dibêje, edaletê tîne, Lê şahidê derewîn jî hîlekar e.

Zebûr 120:3

Ey zimanê hîlekar, Wê çi bi te bê dayin, Wê çi li te bê zêdekirin?

Zebûr 27:12

Min ji kêfa dijminên min re nehêle, Çimkî şahidên derewkar û zordar, Li ber min rabûn.

Samûêl II, 19:27

Herwiha li ber xweyê min padîşah, çavreşî avêt xulamê te. Lê tu ya xweyê min padîşah, tu mîna milyaketekî Xwedê yî. Ya ku di çavên te de rast e bike.

Samûêl II, 16:3

Padîşah pirsî: “Neviyê xweyê te Şawûl li ku ye?” Sîva got: “Li Orşelîmê dimîne. Ew difikirî ku Mala Îsraêl wê îro padîşahiya bapîrê min paş ve bide min.”

Derketin 23:7

Tê ji derewan dûr bî û nebî sedema mirina kesê bêsûc û rast. Çimkî ezê kesê xerab mafdar derneyînim.

Yûhenna 7:51

«Gelo Şerîeta me, heta ku guhdariya mirovekî neke û nezane ku ew çi dike, ma wî dadbar dike?»

Destpêk 39:17

Wê ji mêrê xwe re got: “Ev koleyê Îbranî hat ku min rezîl bike.

Methelokên 14:5

Şahidê ewledar derewan nabêje, Lê şahidê derewîn bi nefesa xwe derewan dike.