Derketin 20:8 - Kurmanji Încîl

⁸ “Tê Roja Septê bi bîr bînî û pîroz bihesibînî.

Derketin 20:8 Referans Kwoze

Lêwiyî 26:2

Hûnê rojên min ên Septê bigirin û ji Pîrozgeha min re hurmetê nîşan bidin. Xudan ez im.

Lêwiyî 19:3

“‘Hûnê ji dê û bavê xwe re hurmetê nîşan bidin û rojên min ên Septê bigirin. Xwedayê we Xudan ez im.

Destpêk 2:3

Xwedê roja heftan pîroz û bereket kir. Wekî rojeke pîroz kifş kir. Çimkî Xwedê di wê rojê de ji hemû afirandinên xwe, bêhna xwe veda.

Lêwiyî 23:3

“‘Hûnê şeş rojan bixebitin. Lê roja heftan Sept e, roja bêhnvedanê û civîna pîroz e. Hûnê tu karekî nekin. Li hemû derên ku hûn dijîn, ev ji Xudan re Sept e.

Lêwiyî 19:30

Hûnê rojên min ên Septê bigirin û rûmetê ji Pîrozgeha min re nîşan bidin. Xudan ez im.

Derketin 23:12

“Tê şeş rojan karê xwe bikî lê roja heftan bêhna xwe vedî. Bi vî awayî wê ga û kerên we bêhna xwe vedin û kurên koleya te û xerîb xwe rihet bikin.

Destpêk 2:2

Xwedê di roja heftan de karê xwe bir serî. Wî di roja heftan de ji hemû karên xwe bêhna xwe veda.

Dubarekirina Şerîetê 5:12

“‘Tê Roja Septê pêk bînî û pîroz bihesibînî çawa ku Xwedayê te Xudan li te emir kiriye.

Nehemya 9:14

Te agahiya Roja Septê, roja xwe ya pîroz da wan. Te bi riya xulamê xwe Mûsa ji bo wan emir, qanûn û şerîetek danî.

Nehemya 13:15

Di wan rojan de min li Cihûdayê dît ku hinek mirov di Roja Septê de di mehserê de tirî diguvaştin, lodên dexlê hildigirtin û li keran bar dikirin. Herwiha şerab, tirî, hejîr û her cure lod di Roja Septê de dibirin Orşelîmê û difirotin. Ji bo vê yekê min erzê wan şikand.

Îşaya 56:2

Xwezî bi wî mirovî Ku vê yekê pêk tîne û qewîn pê digire. Xwezî kurê mirovan yê ku Roja Septê digire, Mirdar nake û xwe ji her cure xerabiyê dûr dixe.”

Yêremya 17:22

Roja Septê barekî ji malên xwe dernexin û tu karekî nekin. Çawa ku min li bav û kalên we emir kiriye, Roja Septê pîroz bihesibînin.

Yêremya 17:24

Lê gotina Xudan ev e: “‘Heke hûn baş guh bidin min, Roja Septê di dergehên vî bajarî re bar derbas nekin, qet kar nekin û bi vî awayî Roja Septê pîroz bihesibînin,

Derketin 31:12

Xudan ji Mûsa re got:

Derketin 35:1

Mûsa tevahiya civaka Îsraêl civand û ji wan re got: “Tiştên ku Xudan kirina wan li we emir kirine ev in:

Hejmartin 15:32

Gava gelê Îsraêl li beriyê bû, wan yekî ji xwe dît ku di Roja Septê de êzing dida hev.

Îşaya 58:13

“Heke tu Roja Septê binpê Û di roja min a pîroz de daxwaza dilê xwe nekî, Heke tu ji Roja Septê re: ‘Xweş e’ Û ji roja Xudan a pîroz re: ‘Birûmet e’ bêjî, Heke tu rûmetê bidî wê rojê, di riya xwe de nemeşî, Nedî pey daxwaza dilê xwe û gotinên vala nekî,

Yêremya 17:21

Xudan wiha dibêje: Hay ji canên xwe hebin! Roja Septê barekî hilnegirin û di dergehên Orşelîmê re nexin hundir.