Derketin 2:11 - Kurmanji Încîl

¹¹ Paşê Mûsa mezin bû, rojekê ew çû nav gelê xwe û barê wan ê giran dît. Wî dît ku yekî Misrî, li birayekî wî yê Îbranî dixe.

Derketin 2:11 Referans Kwoze

Derketin 1:11

Îcar Misriyan serkar danîn ser wan ku bi suxreya giran eziyetê li wan bikin. Wan ji bo Firewn, Pîtom û Ramsêsê ava kirin ku bajarên embarî bûn.

Lûqa 4:18

«Ruhê Xudan li ser min e, Çimkî wî ez mesh kirime, Da ez Mizgîniyê bidim belengazan; Wî ez şandime, da ku ez ji girtiyan re azadiyê Û ji koran re vebûna çavan bidim bihîstin, Bindestan azad bikim

Metta 11:28

«Werin ba min, ey hemû yên westayî û bargiran, ezê rihetiyê bidim we.

Îşaya 58:6

Ma rojiya ku min hilbijart ne ev e? Sistkirina werîsên xerabiyê, Vekirina nîran, berdana bindestan Û şikandina her cure nîran ne ev e?

Derketin 3:7

Xudan got: “Min tengasiya gelê xwe ya li Misrê ji nêzîk ve dît û hewara suxrevanan a ji destê serkaran bihîst. Ez bi êşa wan dizanim.

Derketin 5:14

Serkarên suxrevanan ku Firewn danîbûn ser wan li karmendên gelê Îsraêl xist û ji wan re got: “We çima duh û îro, wekî berê kelpîçên ji we dihatin xwestin çênekirin?”

Derketin 5:9

Barên wan girantir bikin. Hê bêtir bixebitin û guh nedin peyvên derew.”

Derketin 5:4

Lê Padîşahê Misrê ji wan re got: “Mûsa û Harûn, hûn çima xelkê ji karên wan dikin? Hûn jî herin ser karê xwe!”

Derketin 5:5

Piştre Firewn wiha got: “Binêrin, niha ew ji Misriyan zêdetir in û hûn wan ji karên wan dikin!”

Derketin 6:6

“Loma ji gelê Îsraêl re bêje: ‘Ez Xudan im. Ezê we ji bin barê Misriyan derînim û we ji koletiya wan azad bikim. Ezê bi zendê xwe yê dirêjkirî wan bi giranî ceza bikim û we rizgar bikim.

Derketin 6:7

Ezê we bikim gelê xwe û bibim Xwedayê we. Hûnê bizanibin ku ez Xwedayê we Xudan im û min hûn ji bin barê Misriyan deranî.