Derketin 16:4 - Kurmanji Încîl

⁴ Xudan ji Mûsa re got: “Va ye ezê ji ezmanan nan ji bo we bibarînim. Wê gel her roj derkeve û nanê xwe yê rojekê bide hev. Bi vî awayî ezê wan biceribînim, ka li gorî şerîeta min rê ve diçin an na.

Derketin 16:4 Referans Kwoze

Korîntî I, 10:3

hemûyan eynî xwarina ruhanî xwar û

Zebûr 105:40

Bi xwestina wan, wî sûsik şand, Bi nanê ezmanan wî ew têr kirin.

Dubarekirina Şerîetê 8:2

Wê rêwîtiya dirêj a ku Xwedayê we Xudan çil salan hûn li beriyê gerandî bînin bîra xwe. Wî hûn xistin tengasiyê û ceribandin ku ya di dilê we de heye û ka hûn emrên wî pêk tînin an na, xuya bibe.

Derketin 15:25

Mûsa ji Xudan lava kir. Xudan perçê darekê nîşanî wî da. Gava Mûsa ew avêt nav avê, av şîrîn bû. Xudan li wir ji bo wan qanûn û rêbaz danîn û wî ew li wir ceribandin.

Nehemya 9:15

Dema ew birçî bûn, te ji ezmanan nan da. Dema tî bûn te ji zinêr av derxist. Te ji wan re got: ‘Bikevin welatê ku min soz dabû we û bikin milk!’

Dubarekirina Şerîetê 8:16

Xwedayê xwe Xudan ji bîr nekin ku li beriyê Mana bav û kalên we nizanibûn bi we da xwarin. Wî hûn xistin tengasiyê û hûn ceribandin ku di dawiyê de ji bo we qenc bibe.

Metta 6:11

Nanê me yê rojane roj bi roj bide me.

Methelokên 30:8

Hîlekarî û derewan ji min dûr bixe, Ne feqîriyê, ne jî dewlemendiyê bide min, Tenê nanê ku para min e, bi min bide xwarin.

Nehemya 11:23

Çimkî emrê padîşah li ser stranbêjan hebû ku roj bi roj heqdestê wan hatibû terxankirin.

Yêşû 24:15

Heke niha xulamiya Xudan li ber çavê we ne baş be, divê hûn îro hilbijêrin ka hûnê xulamiya kê bikin. Gelo hûnê xulamiya îlahên bav û kalên we bikin ku li aliyê din ê Çemê Feratê xulamî dikirin? An hûnê xulamiya îlahên Amoriyan bikin ku hûn li welatê wan rûdinin. Lê ez û maliyên xwe, emê xulamiya Xudan bikin!”

Lûqa 11:3

Nanê me yê rojane, roj bi roj bide me.

Derketin 16:15

Gelê Îsraêl ev dît û ji hev re got: “Ev çi ye?” Çimkî nizanibûn ew çi ye. Mûsa ji wan re got: “Ev ew nan e ku Xudan ji bo xwarinê da we.

Zebûr 78:23

Xwedê emir kir li asîmanê jor, Û deriyên asîman vebûn;

Nehemya 9:20

Ji bo hîn bibin te Ruhê xwe yê qenc da wan. Te ji devê wan man texsîr nekir. Dema tî bûn te av da wan.