Daniyêl 6:24 - Kurmanji Încîl

²⁴ Padîşah emir kir, wan zilamên ku giliyê Daniyêl kiribûn anîn. Wî ew bi jin û zarokên wan ve avêt çala şêran. Hê negihîştibûn binê çalê, şêran ew li hewayê girtin û hemû hestiyên wan şikandin.

Daniyêl 6:24 Referans Kwoze

Îşaya 38:13

Heta sibê li benda te mam. Wekî şêr, ew hestiyên min dişikêne, Şev û roj tu dawiya min tînî.

Ester 7:10

Bi vî awayî Haman bi darê ku ji bo Mordexay amade kiribû ve hat daleqandin. Bi vê yekê re hêrsa padîşah jî kêm bû.

Zebûr 54:5

Ewê xerabiyê li dijminên min vegerîne, Bi dilsoziya xwe wan ji navê hilîne.

Ester 9:25

Lê gava padîşah bi van fen û fûtan hesiya, bi nivîskî ferman da ku ew fenên xerab ên ku Haman ji bo Cihûyan amade kiribûn, bên serê wî. Herwiha wî emir kir ku tevî kurên xwe bê daleqandin.

Padîşah II, 14:6

Lê wî kurên kujeran nekuştin. Çimkî di Nivîsa Şerîeta Mûsa de, Xudan emir kiribû û gotibû: “Wê bav ji ber gunehên kurên xwe neyê kuştin û kur ji ber gunehên bavên xwe jî neyê kuştin. Wê herkes ji ber sûcên xwe bê kuştin.”

Dubarekirina Şerîetê 24:16

“Wê bav ji ber gunehên kuran neyên kuştin û kur jî, ji ber gunehên bavan neyên kuştin. Herkes wê ji bo gunehê xwe bê kuştin.

Methelokên 11:8

Kesê rast ji tengasiyê rizgar dibe, Kesê xerab dikeve cihê wî.

Ester 9:10

Lê Cihûyan dest neda talanê wan.

Daniyêl 3:22

Emrê padîşah gelek dijwar bû û tenûr jî zêde sincirî bû. Ji ber vê yekê gurbûna êgir, zilamên ku Şadrak, Mêşak û Eved-Nego avêtin şewitandin û ew mirin.

Methelokên 19:9

Şahidê derewîn bêceza namîne, Kesê bi nefesa xwe derew dike wê tune bibe.

Yêremya 34:17

“Loma Xudan wiha dibêje: ‘We guh neda min û ji bira û cîranê xwe re azadî îlan nekir. Va ye ezê li dijî we azadiyê îlan bikim.’” Ev e gotina Xudan. “‘Ezê azadiyê bidim şûr, kul û xelayê ku hûn tune bibin! Ezê we di çavê padîşahiyên dinyayê de bikim mijara sawê.