Dadger 15:19 - Kurmanji Încîl

¹⁹ Xwedê çala Lehiyê qelaşt û av jê derket. Şîmşon av vexwar, ruh û canê wî teze bû. Bi vî awayî ji vê derê re Eyn-Haqqoreyê hat gotin. Kanî îro jî li Lehiyê ye.

Dadger 15:19 Referans Kwoze

Îşaya 44:3

“‘Çimkî ezê avê bi ser axa tîbûyî de, Rûbaran bi ser erdê ziwa ve birijînim. Ezê ruhê xwe bi ser ziriyeta te re Û bereketa xwe bi ser şaxên te re birijînim.

Destpêk 45:27

Lê gava wan behsa hemû tiştên ku Ûsiv ji wan re gotine kir û erebeyên ku şandibûn pey wî dîtin, bêhna wî fireh bû.

Zebûr 34:6

Vî bindestî kir hawar, bihîst wî Xudan, Wî ew xelas kir ji hemû tengahiyan.

Îşaya 40:29

Ew hêzê dide westayiyan, Qeweta bêtaqetan zêde dike.

Îşaya 40:26

Çavên xwe bidin bilindciyan û bibînin! Ma kê ev afirandin? Yê ku artêşa stêran dertîne Û bi navê wan gazî her yekî ji wan dike. Ji ber mezinahiya taqeta wî, Ji ber hêza wêrekiya wî, Yek ji wan jî kêm nabe.

Zebûr 120:1

Di tengahiyê de ez bang dikim Xudan; Ew bersîva min dide.

Samûêl I, 30:12

Kadikek bastîqê hejîran û du weşî mêwîj jî danê. Gava zilam xwar, hat ser hişê xwe. Ev sê roj û sê şev bûn ku tiştek bi devê wî neketibû.

Derketin 17:15

Mûsa gorîgehek çêkir û navê wê “Yahwe-Nissî” danî.

Destpêk 30:30

Beriya hatina min, malê te hindik bû, niha zêde û belav bûye. Bi her tiştê ku min kir, Xudan tu pîroz kirî. Ezê kengê ji bo mala xwe bixebitim?”

Destpêk 28:19

Wî navê wê derê Bêt-Êl danî. Navê bajêr ê berê Lûz bû.

Destpêk 16:13

Wê navê Xudanê ku pê re peyivî wiha danî: “Tu ‘Êl-Royî’ yî.” Çimkî wê got: “Li vir min yê ku min dibîne dît.”

Hejmartin 20:11

Mûsa destê xwe bilind kir û du caran bi gopalê xwe li zinêr xist. Ji zinêr aveke zêde herikî. Civak û heywanên wê jê vexwar.

Dadger 15:9

Filîstî çûn Cihûdayê, artêşgehek ava kir û li herêma Lehiyê belav bûn.

Zebûr 50:15

Di roja xwe ya teng de gazî min bike, Ezê te rizgar bikim, tê rûmetê bidî min.

Zebûr 110:7

Wê ji newala li ser riya xwe avê vexwe; Loma wê serê xwe rast bigire.