Dadger 11:27 - Kurmanji Încîl

²⁷ Min li dijî te guneh nekir. Lê tu, bi şerkirina li dijî min, xerabiyê bi min dikî. Bila Xudanê ku dadger e, îro di navbera gelê Îsraêl û Emmoniyan de dadgeriyê bike.’”

Dadger 11:27 Referans Kwoze

Samûêl I, 24:15

Bila Xudan di nav min û te de dadger be û biryarê bide. Bila Xudan li doza min binêre, min biparêze û ji destê te rizgar bike.”

Samûêl I, 24:12

Bila Xudan di navbera min û te de dadger be û heyfa min ji te bistîne. Lê ezê destê xwe li te ranekim.

Destpêk 18:25

Dûrî te be ku tu wiha bikî û tu kesê rast jî bi kesê xerab re bikujî û rast bibin wekî xerab! Ma dadgerê tevahiya dinyayê ya rast neke?”

Destpêk 16:5

Serayê ji Avram re got: “Ev neheqî ji rûyê te hat serê min. Min cariyeya xwe kir paşila te û gava wê dît ew bizaro ye, wê ez biçûk dîtim. Bila Xudan di navbera min û te de dadger be.”

Destpêk 31:53

Xwedayê Îbrahîm, Nahor û bavê wan, bila di navbera me de dadger be.” Aqûb bi navê Xwedayê ku Îshaq jê ditirse sond xwar.

Tîmotʼêyo II 4:8

Û niha taca rastdariyê ji bo min amade ye, ku dadgerê dadperwer Xudan, wê rojê wê bide min û ne tenê min, lê wê bide wan hemûyan jî yên ku bêriya xuyabûna wî dikin.

Korîntî II, 5:10

Çimkî divê em hemû li ber kursiyê Mesîh ê dîwanê xuya bibin, da ku her kes li gor tiştên ku hê ew di bedenê de bû, kirine – qenc bin an jî xerab bin – bistîne.

Waiz 11:9

Xorto! Di ciwaniyê xwe de şa be, Bila di rojên xortaniyê de dilê te, te şa bike. Tu di riya dilê xwe û di ya ku çavê te dibîne de bimeşe, Lê bizane, Xwedê ji bo tevahiya van tiştan dadbar bike.

Zebûr 98:9

Çimkî ew tê, Da ku dadbar bike dinê bi edaletê, Ewê gelan, bi rastiyê dadbar bike.

Zebûr 94:2

Ey dadgerê dinê, rabe, Bergîdana qureyan bide!

Zebûr 82:8

Rabe ey Xwedê, rûyê erdê dadbar bike! Çimkî hemû milet yên te ne.

Zebûr 75:7

Dadger tenê Xwedê ye, Yekî nizim dike, yê din bilind dike.

Zebûr 50:6

Ezman rastiya wî didin bihîstin, Çimkî dadbar Xwedê bi xwe ye.

Zebûr 7:11

Dadgerek rast e Xwedê, Erê Xwedayek ku, her roj hêrsê dibarîne.

Eyûb 23:7

Li wir, kesê rast dikaribû li pêş wî dozekê vekira Û ezê jî, ji dîwanê her û her azad bibûma.

Eyûb 9:15

Ez mafdar jî bim, min bersiva wî nedida, Ji bo rehmê min ji dadgerê xwe lava nedikir.

Samûêl I, 2:10

Kesên li dijî Xudan wê perçe perçe bibin, Xudan ji ezmanan li ser wan dike gurmîn. Wê binê dinyayê jî bibe ber dîwanê, Yê ku padîşahê xwe hêzdar dike, Hêza kesê xwe yê kifşkirî zêde dike Xudan e.”

Îbranî 12:23

Hûn hatine Civîna nixuriyên ku navê wan li ezmanan nivîsî ye û nêzîkî dadgerê hemûyan Xwedê û ruhên kesên rast ên ku gihîştine bêkêmahiyê bûne.

Korîntî II, 11:11

Çima? Ma ji ber ku ez ji we hez nakim? Xwedê dizane ku ez ji we hez dikim.

Waiz 12:14

Çimkî Xwedê wê her tiştî, baş an xerab, Her karê veşartî dadbar bike.

Dadger 11:28

Lê Padîşahê Emmoniyan guh neda gotina ku Yîftah jê re şandibû.

Samûêl I, 24:13

Li gorî meseloka pêşiyan: ‘Ji xeraba xerabî dertê,’ lê ezê destê xwe li te bilind nekim.

Samûêl I, 24:16

Dema ku Dawid gotina xwe qedand, Şawûl jê pirsî: “Dawid kurê min, ev dengê te ye?” Paşê bi dengekî bilind giriya.