Amos 7:16 - Kurmanji Încîl

¹⁶ Niha tu guh bide gotina Xudan. Tu dibêjî: “‘Li dijî gelê Îsraêl pêxemberiyê neke, Li dijî Mala Îshaq gotinan nebêje.’

Amos 7:16 Referans Kwoze

Mîxa 2:6

Mirov dibêjin: “Pêxemberiyê nekin! Divê li van tiştan pêxemberî neyê kirin. Emê neyên rezîlkirin.”

Amos 7:13

Careke din li Bêt-Êlê pêxemberiyê neke. Çimkî ev der pîrozgeha padîşah û perestgeha padîşahiyê ye.”

Dubarekirina Şerîetê 32:2

Bila hînkirina min wekî baranê dilop bike, Gotina min wekî xunavê bikeve, Bila wekî barana nerm bi ser çêrê ve, Wekî taviyê bi ser giyê ve bê.

Îşaya 30:10

Ew ji zanyaran re dibêjin: ‘Nebînin.’ Ji pêxemberan re jî dibêjin: ‘Pêxemberiya tiştên rast nekin, Ji me re tiştên hêsan bêjin. Bi hîle pêxemberî bikin.

Padîşah I, 22:19

Mîxaya got: “Madem wisa ye guh bide gotina Xudan! Min Xudan dît. Ew li ser textê xwe rûniştiye û tevahiya artêşa ezmanan li çep û rasta wî bû.

Samûêl I, 15:16

Samûêl ji Şawûl re got: “Hiş be! Ezê niha tiştên ku Xudan îşev ji min re got, ji te re bêjim.” Wî jî got: “Keremke.”

Amos 2:12

“Lê we şerab bi kesên veqetandî dida vexwarin. We li pêxemberan emir dikir û digot: ‘Pêxemberiyê nekin.’

Padîşah I, 13:1

Dema Yarovam ji bo şewitandina bixûrê li ber gorîgehê sekinîbû, zilamekî Xwedê li gorî gotina Xudan ji Cihûdayê hat Bêt-Êlê.

Padîşah II, 14:24

Wî tiştên di çavê Xudan de xerab in, kirin. Wî ji hemû gunehên ku Yarovamê kurê Nevat bi gelê Îsraêl dabû kirin, xwe neda alî.