Amos 6:8 - Kurmanji Încîl

⁸ Gotina Xwedayê Karîndar Xudan ev e: “Reb Xudan bi serê xwe sond xwar, Bîzê min ji quretiya Aqûb diçe, Ez ji qesrên wî nefret dikim. Loma ezê bajêr û her tiştê tê de bidim dest.”

Amos 6:8 Referans Kwoze

Amos 4:2

Reb Xudan bi pîroziya xwe sond xwar û got: “Va ye, roj bi ser we de tên Ku wê we bi çengelên goşt bibin Û kesê we yê dawî bi nîkên masiyan bikişînin.

Yêremya 51:14

Xudanê Karîndar bi serê xwe sond xwar, Ezê te wekî refê kuliyan bi leşkeran tije bikim. Wê li dijî te qîrîna serketinê bikin.

Amos 8:7

Xudan bi navê rewnaqiya Aqûb sond xwar: “Ezê hemû karên wan qet ji bîr nekim.

Zebûr 47:4

Wî mîrasa me ji bo me bijart, Serbilindiya Aqûbê ku wî jê hez dikir.

Amos 3:11

Loma Reb Xudan wiha dibêje: “Wê neyar welêt bipêçe û we bêhêz bihêle, Wê qesrên we talan bike.”

Yêremya 22:5

Gotina Xudan ev e: “‘Lê heke hûn guhdariya vê yekê nekin, ez bi navê xwe sond dixwim ku wê ev qesir wêran bibe.’”

Zebûr 106:40

Hêrsa Xudan li hember gelê wî rabû, Û ji mîrasa xwe nefret kir.

Zekeriya 11:8

Di nava mehekê de min sê şivan ji ser û guhên xwe avêtin. Çimkî hîlê min ji pêz çûbû, pez jî, ji min nefret kir.

Lavijên Şînê 2:5

Reb bû dijmin û Îsraêl daqurtand, Wî hemû qesrên wê daqurtandin, kelehên wê hilweşandin. Wî şîn û girîna keça Cihûdayê zêde kir.

Zebûr 78:59

Xwedê ev bihîst û hat xezebê, Îsraêlê bi tevahî red kir.

Zebûr 50:12

Ez birçî bibûma, min ji te re nedigot, Çimkî hemû dinya û tijebûna wê ya min e.

Dubarekirina Şerîetê 32:19

“Xudan ev dît û ew red kirin, Çimkî kur û keçên wî ew hêrs kir.

Lêwiyî 26:30

Ezê bilindciyên we yên perizînê tune bikim û gorîgehên we yên bixûrê bînim xwarê. Ezê cendekên we bavêjim ser cendekên pûtên we, ezê ji we nefretê bikim.

Lêwiyî 26:11

Ezê meskenê xwe li nav we ava bikim û we nefret nekim.

Destpêk 22:16

“Gotina Xudan ev e: ‘Ez bi navê xwe sond dixwim, ji ber ku te ev yek kir û kurê xwe yê yekta ji min texsîr nekir,

Yêremya 12:8

Mîrasa min ji min re bû wekî şêrê daristanê, Wî himmînî li min kir, loma min jê nefret kir.

Yêremya 44:26

Hemû gelê Cihûda yê li welatê Misrê rûdine, guh bide gotina Xudan! Xudan wiha dibêje: ‘Ez dibêjim, min bi navê xwe yê mezin sond xwar ku wê tu kes ji Cihûdayiyên li seranserê welatê Misrê rûdinin bi devê xwe êdî gazî navê min neke û nebêje: Bi navê Rebê Jîndar Xudan!

Yêremya 49:13

Gotina Xudan ev e: “Ez bi navê xwe sond dixwim: ‘Wê Bosra bibe mijara sawê û riswabûnê. Wê bibe nalet û wêrane, Wê hemû bajarên wê her û her wêran bimînin.’”

Hoşêya 11:6

Wê li ser bajarên wan şûr hilfirin. Wê zirzeyên dergehên wan biqedîne, Ji ber fen û fûtên wan wê wan tune bike.

Amos 3:10

Gotina Xudan ev e: “Ew nizanin heqiyê bikin, Zordarî û zordestî li bircên xwe didin hev.”

Amos 5:21

Xudan dibêje: “Ez ji cejnên we nefret dikim û red dikim! Ez civînên we yên mezin naxwazim!

Amos 8:3

Wê rojê wê stranên qesrê bibin lavijên şînê.” Ev e gotina Reb Xudan. “Wê gelek cendek li her derê bên avêtin. Hiş bin!”

Methelokên 8:13

Tirsa Xudan, nefreta ji xerabiyê ye. Loma ez ji quretî û pozbilindiyê, Ji riya xerab û gotinên şaş nefret dikim.

Îşaya 28:1

Wey li taca quretiya serxweşên Efrayîmê Û kulîlka çilmisî ya xweşikî û rewnaqiya wê Ku li ser deşta bi ber e. Wey li taca wan kesan ku li ber şerabê têk çûne.

Yêremya 22:14

Wey li mirovê dibêje: ‘Ezê ji xwe re qesreke mezin Û odeyên jor ên berfireh çêkim,’ Jê re pencereyan vedike, Bi dara sedrê kiras dike Û bi rengê sor boyax dike!