Amos 5:7 - Kurmanji Încîl

⁷ Ya kesên ku rastî kirine giyayê tehl Û edalet li erdê xistine!

Amos 5:7 Referans Kwoze

Amos 6:12

Ma hesp li serê zinaran baz didin? Ma kes li deryayê bi gê cot dike? Lê we heqî kir jehr Û fêkiyê edaletê kir giyayê tehl.

Sefanya 1:6

Kesên ji riya Xudan averê dikin, Li Xudan venagerin Û pirsa wî nakin, helak bikim.

Hoşêya 10:4

Gotinên vala dikin, Peymanan girê didin, Sondên derewîn dixwin. Loma jî dozên wan Wê mîna giyayê bi jehrî li zeviyên ajotî şîn bibin.

Dubarekirina Şerîetê 29:18

Hay ji xwe hebin ku îro di nav we de, mêr an jin, eşîr an binemal tunebe ku ji bo xulamiya îlahên van miletan, dilê wî ji Xwedayê we Xudan averê dibe. Bila di nav we de koka jehrî û tehlbûnê tunebe.

Îşaya 10:1

Wey li wan kesan Ku qanûnên neheq dertînin Û rêbazên nerast dinivîsin

Îşaya 5:7

Rezê Xudanê Karîndar Mala Îsraêl e, Şaxê ew pê dilşa ye, Gelê wî Cihûda ye. Heqî bû hêviya wî, Lê wî dît qetilxwînî. Edalet bû hêviya wî, Lê tenê ma hewarî.

Îşaya 1:23

Serekên te serhildêr, Bûne hevparên dizan. Tev ji bertîlê hez dikin, Dane pey diyariyan. Mafê sêwiyan nadin, Nakin doza jinebiyan.

Zebûr 125:5

Belê yên ku li riya xwe ya xwar diçin, Xudan wan bi xeraban re ceza dike. Aştî li ser Îsraêlê be!

Zebûr 36:3

Hîle û derew li ser devê wî ye, Biaqilbûn, qencîkirin ne para wî ye.

Methelokên 21:7

Wê zordariya xeraban wan hilde û bibe, Çimkî ew naxwazin edaletê bikin.

Îşaya 5:20

Wey li wan kesan ku ji ya xerab re qenc, Ji ya qenc re xerab dibêjin. Tariyê dikin şûna ronahiyê, Ronahiyê dikin şûna tariyê. Tehl dikin şûna şîrîn, Şîrîn dikin şûna tehl.

Amos 2:3

Ezê desthilatdarê wê rakim û bavêjim, Ezê pê re hemû serekên wê bikujim” dibêje Xudan.

Amos 3:10

Gotina Xudan ev e: “Ew nizanin heqiyê bikin, Zordarî û zordestî li bircên xwe didin hev.”

Îşaya 46:12

“Ya kesên dilhişk û ji edaletê dûr, Min bibihîzin!

Mîxa 3:9

Ya serekên Mala Aqûb û serwerên Mala Îsraêl! Ya hûn ên ku ji edaletê nefret dikin Û rastiyê bi tevahî xera dikin! Vê yekê bibihîzin!

Habaqûq 1:4

Loma hêza Şerîetê nemaye, Edalet qet pêk nayê. Xerab rastan dorpêç dikin, Jixwe edalet jî tuneye.