Amos 1:14 - Kurmanji Încîl

¹⁴ Loma ezê sûrên Rabbayê bişewitînim Ku bi qîrînên roja şer Û babelîska roja bahozê bircên wê daqurtîne.

Amos 1:14 Referans Kwoze

Amos 2:2

Loma ezê êgir bi ser Moavê de bibarînim Ku bircên Qeriyotê daqurtîne. Wê Moavî bi dengê boriyan, qîrîn û xirecirê bimirin.

Yêremya 49:2

Gotina Xudan ev e: “Va ye roj tên ku ezê qîrîna şer Li dijî Rabbaya Emmoniyan bidim bihîstin. Wê Rabba bibe xirbeyekî demên berê û gundên wê bên şewitandin. Paşê wê gelê Îsraêl, kesên ew qewitandiye biqewitîne.” Ev e gotina Xudan.

Dubarekirina Şerîetê 3:11

–Ji Refayiyan tenê Ogê Padîşahê Başanê sax mabû. Textê razana Og, hesin bû û li bajarê Rabbaya Emmoniyan dima. Li gorî pîvana wê demê dirêjahiya wê neh gaz, firehiya wê çar gaz bû.–

Îşaya 30:30

Wê Xudan dengê xwe yê biheybet bide bihîstin. Bi hêrsa rabûyî, bi pêta agirê ku dixwe û tune dike, Bi qelişîna ezmanan, bi tavî û bi zîpikê, Zendê xwe nîşan bide.

Samûêl II, 12:26

Di vê navberê de Yoavê ku li dijî bajarê Rabbayê yê Emmoniyan şer dikir û taxa qesrê desteser kir.

Zekeriya 7:14

Min ew wekî bahozê avêtin nav tevahiya miletên nenas. Wan welat hişt, loma bû wêrane ku kesek here û lê bimîne nema. Welatê xweş bû wêrane.’”

Daniyêl 11:40

“Di dema dawî de wê Padîşahê Başûr li dijî Padîşahê Bakur şer bike. Wê Padîşahê Bakur bi erebeyên şer, bi hespan, bi gelek gemiyan re wekî bagerê bê. Wekî lehiyê wê bi ser welatan ve bibare û wan wêran bike.

Îşaya 9:5

Her bota şervanê çûye şer, Cilên di xwînê de hatine gevizandin, Wê ji bo êgir bibin êm û bişewitin.

Zebûr 83:15

Bi bagera xwe bi pey wan bikeve, Bi babelîska xwe wan têxe sawê!

Eyûb 39:25

Bi lêxistina boriyê re ew dikin ‘Hîrehîr!’ Ew ji dûrî ve bêhna şer dikin, Qîrîn û gurmîna fermandaran dibihîzin.

Samûêl II, 11:1

Di biharê de, gava padîşah diçin seferê, Dawid artêşa gelê Îsraêl şand seferê. Wî Yoav, fermandarên xwe û tevahiya artêşê şandin. Dema wan Emmonî helak kirin û bajarê Rabbayê dorpêç kir, Dawid li Orşelîmê dima.

Dîrok I, 20:1

Di biharê de, gava padîşah diçin seferê, Yoav artêş derxist seferê. Dema Yoav welatê Emmoniyan helak kir û bajarê Rabbayê dorpêç kir, Dawid li Orşelîmê dima. Yoav êrîşî Rabbayê kir û hilweşand.

Îşaya 29:6

Wê Xudanê Karîndar Bi dengê brûskê, Bi erdhej û xirecirê, Bi bahoz û taviyê, Bi pêta agirê bi şewat, Te ceza bike.

Yêremya 23:19

Va ye, bagera Xudan! Xezeba wî rabûye, Bahoza wî dizivire. Wê di serê xeraban de biteqe.

Samûêl II, 12:31

Gelê ku li wê derê dijiya, ji malên wan derxist ew di karên ku bi birek, tevirê hesinî û bivirê hesinî dihatin kirin de, di çêkirina kelpîçan de da xebitandin. Dawid ev yek li hemû bajarên Emmoniyan pêk anî. Paşê bi artêşa xwe re vegeriya Orşelîmê.