شُله رسولا 13:19 - Kurmanji Încîl

¹⁹ Piştî ku wî li welatê Kenanê heft milet qir kirin, wî welatê wan bi mîrasî da wan.

Peymana Nû (Încîl)

¹⁹ Welatê Kenanêda kʼoka hʼeft mileta anî, eʼrdê wan çawa cî-war da cimeʼta Xwe.

Пәймана Ну (Инщил)

¹⁹ Ԝәлате Кәнанеда кʼока һʼәфт мьләта ани, әʼрде ԝан чаԝа щи-ԝар да щьмәʼта Хԝә.

کتاب مقدس به زبان کردی شیکاکی

¹⁹ و پاشه هِنده گو وَلاته کنعانه دا هَفت قَوم بَین بِرِن، وَلاته وان میراث دا قَومه خو.

شُله رسولا 13:19 Referans Kwoze

Dubarekirina Şerîetê 7:1

“Gava Xwedayê we Xudan we bibe wî welatê ku hûnê bikine milk û li pêş we gelek miletan biqewitîne –heft miletên ji we mezintir û hêzdartir in; Hîtîtî, Gîrgaşî, Amorî, Kenanî, Perîzzî, Hîwî û Yevûsiyan–

Zebûr 78:55

Wî milletan, qewirand ji pêş wan, Wî axa wan par kir, Li konên wan, Eşîrên Îsraêlê cîwar kir.

شُله رسولا 7:45

Bav û kalên me jî ew hildan û gava ku bi Yêşû re welatê miletên din ên ku Xwedê ji ber wan derxistin, vegirtin, hingê ew bi xwe re anîn. Heta dema Dawid ew li wir ma.

Yêşû 19:51

Mîrasên Êlezarê Kahin, Yêşûyê kurê Nûn û serekên binemalên eşîrên gelê Îsraêl bi riya pişkê li Şîloyê, li hizûra Xudan, li ber deriyê Konê Hevdîtinê dabûn, ev bûn. Bi vî awayî wan parvekirina welêt qedand.

Yêşû 14:1

Axa ku gelê Îsraêl li welatê Kenanê bi mîrasî stand, ev bû ku Êlezarê Kahin, Yêşûyê kurê Nûn û serekên binemalên eşîrên Îsraêl li wan parve kir.

Zebûr 135:11

Wî padîşahê Amoriyan Sîhon, Padîşahê Başanê Og, Û hemû padîşahiyên Kenanê kuşt.

Nehemya 9:24

Kurên wan ketin welatê Kenanê û ji xwe re kirin milk. Te li ber wan bi Kenaniyên ku li welêt rûniştin serî da tewandin. Te ew, padîşahên wan û gelên welêt da destên wan ku ew li gorî dilê xwe tevbigerin.

Yêşû 24:11

Gava hûn ji Çemê Şerîayê derbas bûn û hatin Erîhayê, gelê Erîhayê li dijî we şer kir. Wisa jî Amorî, Perîzzî, Kenanî, Hîtîtî, Gîrgaşî, Hîwî û Yevûsiyan li dijî we şer kir. Min ew hemû dan destê we.

Yêşû 23:4

Va ye min axa van miletên mayî û axa hemû miletên hatibûn qewitandin ku ji Çemê Şerîayê ber bi rojava ve heta Derya Spî rûdiniştin bi milkî dan eşîrên we.

Yêşû 18:10

Wê gavê Yêşû li Şîloyê, li hizûra Xudan ji bo wan bi riya pişkê ew ax jî di nav gelê Îsraêl de parve kir.

Destpêk 17:8

Ezê tevahiya welatê Kenanê yê ku tu niha bi xerîbî lê dimînî bidim te û ziriyeta te ku her û her bibe milkê we û ezê Xwedayê wan bim.”

Destpêk 12:5

Wî bi xwe re Seraya jina xwe, Lûtê biraziyê xwe, hemû malê xwe yê qezenckirî û xulamên xwe yên ku li Heranê bi dest xistibûn, civandin û çûn welatê Kenanê. Gava gihîşt Kenanê,

Dadger 11:26

Sê sed sal e ku gelê Îsraêl li Heşbonê û gundên wê, li Eroêr û gundên wê, li hemû bajarên derdora Arnonê rûdinin. Ma çima we di wê demê de ev der nestandin?

Padîşah I, 6:1

Di çar sed û heştê saliya derketina gelê Îsraêl a ji welatê Misrê de, di meha diduyan a çarsaliya padîşahiya xwe ya li ser gelê Îsraêl de ku meha Zîvê ye, Silêman dest bi avakirina Mala Xudan kir.

Îşaya 34:17

Wî ji bo wan pişk avêt. Destê wî bi benê pîvanê, Welat di nav wan de parve kir. Wê ew der her û her bibe milkê wan, Wê nifş bi nifş li wir rûnin.