Югьан 16:33 - Сыйлы Китап Янгы Разилешивню

³³ Буланы сизге Мени булан биригип парахатлыгъыгъыз болсун деп айтаман. Бу дюньяда сиз азап чегежексиз. Къатып туругъуз! Бу дюньядан Мен уьстюн гелдим! – деп жавап бере Иса.

Югьан 16:33 Referans Kwoze

Югьан 14:27

Мен сизге парахатлыкъ къоюп гетемен. Парахатлыгъымны сизге беремен. Мен сизге дюнья берегени йимик парахатлыкъ бермеймен. Юреклеригизден гьалекликни тайдырыгъыз! Тартынмагъыз ва къоркъмагъыз!

1 Югьан 5:4

Неге тюгюл де, Аллагьны авлети болгъан гьар ким дюньядан уьст геле. О оьзю иманы булан бу дюньядан уьст гелип тура.

2 Салоникдегилеге 3:16

Парахатлыкъ береген Раббибиз оьзю сизге гьар заман, гьар затда парахатлыкъ берсин! Раббибиз сизин барыгъыз да булан бирликде болсун!

1 Югьан 4:4

Балаларым! Сиз Аллагьныкисиз ва ялгъан пайхаммарлардан уьстюн гелгенсиз. Неге тюгюл де, ичигиздеги Аллагьны Ругьу бу дюньядагъындан гючлю.

Филиппадагъылагъа 4:7

Шо заман бизин англавубуздан уьстюн гелеген Аллагьны парахатлыгъы сизин юреклеригизни ва гьакъылыгъызны Иса Месигь булан бирликде сакълажакъ.

1 Петер 5:9

Иблисге къаршы токътай туруп, иманыгъызда къатты кюйде туругъуз. Неге тюгюл де, сизин йимик, бютюн дюньядагъы иман къардашларыгъыз да азаплар чегегенни сиз билесиз.

Югьан 14:1

Иса якъчыларына булай дей: – Юреклеригиз сыныкъмасын! Сиз Аллагьгъа иман салыгъыз, Магъа да иман салыгъыз.

2 Тимофейге 3:12

Иса Месигьге иман салып, Аллагьны ёлуна къыйышывлу кюйде яшамагъа сюегенлер бары да гьызарланар.

Элчилер 14:22

Олар бары да ерде Исаны якъчыларына ругь якъдан гюч берелер ва оланы имандан тайышмай турмагъа чакъыралар. Олар: – Аллагьны гьакимлигини тюбюне тюшмек учун, биз хыйлы къыйынлардан оьтмеге герекбиз, – дей.

Вагьий 3:21

Уьстюн гелгенге тахымда Мени булан бирче олтурмагъа ихтияр бережекмен. Уьстюн гелгенде, Мен де шолай Атам булан бирге тахында олтурдум.

Ягьудилеге 11:25

О къысгъа заманлыкъ гюнагьлы кеп чегивлерден эсе, Аллагьны халкъы булан бирликде азап чегип турмакъ яхшы деп гьисаплады.

Вагьий 7:14

Мен булай айтдым: – Бийим, оьзюнг билесен. Шо заманда о булай айтды: – Булар шо уллу балагьдан оьтюп гелгенлер. Оьзлени абаларын жувуп, олар Къозуну къаны булан агъартгъанлар.

1 Салоникдегилеге 3:7

Шоллукъда, языкъ гьалыбыз ва артыбыздан юрюлеген гьызарлавлар бар тура, къардашлар, биз иманыгъызны яхшылыгъындан ругьландыкъ.

Вагьий 12:11

Олар Къозуну къаны булан ва оьзлени шагьатлыкъ сёзю булан ондан уьст гелдилер. Олар оьз жанларын аямадылар ва оьлюмден де тартынмадылар.

Колосдагъылагъа 1:20

Месигьни хачда тёгюлген къаны себепли болуп, Аллагь кёклердеги ва ер юзюндеги бары да затны Ондан таба Оьзю булан ярашдырды.

2 Коринфдегилеге 1:3

Раббибиз Иса Месигьни Аллагьына ва Атасына макътавлар болсун! Аллагь рагьмуну Атасыдыр ва маслагьатчыдыр.

2 Коринфдегилеге 13:11

Ахырда да, къардашларым, къуванып къалыгъыз, камилликге етишмеге къаст этигиз, бир биригизни гёнгюгюзню алыгъыз, бир гьасилге гелигиз, парахатлыкъда яшап къалыгъыз. Шо заман сююв ва парахатлыкъ гелтиреген Аллагь сизин булан болур!

1 Салоникдегилеге 3:4

Биз сизин булан болгъан заманда, бизге де, сизге де гьызарлавлар болажагъы гьакъында сёйледик. Гёрегенигиз йимик, шолай болуп да чыкъды.

Галатиядагъылагъа 6:14

Мен Раббибиз Иса Месигьни хачдагъы оьлюмюнден башгъа бир зат булан да макътанмагъа сюймеймен. Ону шо хачында бу дюньядагъы бары да зат мени учун оьлген, дюнья учун мен оьзюм де оьлгенмен.

2 Коринфдегилеге 7:4

Мен сизге бек инанаман ва сизин булан оьктем боламан! Магъа таман чакъы маслагьат этилген. Бары балагьларыбыз бар туруп да мен къуванчлыкъдан толуман.

Элчилер 27:25

Шо саялы, гьей адамлар, ругьдан тюшмей туругъуз. Бары да зат магъа айтылгъан кюйде болажагъына мен Аллагьгъа инанаман.

Галатиядагъылагъа 1:4

Бу пана дюньядан бизин къутгъармакъ учун, бизин гюнагьларыбыз учун Атабызны ва Аллагьыбызны буйругъу булан О Оьзюн къурбан этди.

Элчилер 9:31

Сонг бютюн Ягьудеядагъы, Галилеядагъы ва Самариядагъы Исаны якъчылары учун парахат заман геле. Олар Раббибизни къоркъувуну тюбюнде турагъаны ва Аллагьны Ругьу олагъа ругь якъдан гюч бере. Шолайлыкъда, оланы санаву даим артып тербей.

Югьан 12:31

Бу дюнья учун дуван этеген заман гелди. Дюньяны гьакими тахындан тюшюрюлежек!

Лукъа 2:14

– Кёклердеги Аллагьгъа макътав ва ер юзюнде Аллагь сюеген инсанланы арасында парахатлыкъ болсун! – дейлер.

Элчилер 27:22

Гьали буса мен сизин ругьдан тюшмей турмагъа чакъыраман. Сизин биригиз де оьлмежексиз, янгыз геме бузулажакъ.

Лукъа 19:38

– Раббибизни аты булан гелеген Пачагъа Аллагьны яхшылыгъы болсун! Кёклерде парахатлыкъ ва Аллагьгъа макътав болсун! – дейлер.

Элчилер 23:11

Артындагъы гече, Раббибиз Павелни янында токътап: – Къоркъма! Ерусалимде сен Мени гьакъымда нечик шагьатлыкъ этдинг бусанг, Румда да шолай шагьатлыкъ этмеге герек болажакъсан, – дей.

Ягьудилеге 7:2

Ибрагьим де давда тюшген бары да затларыны он пайындан бир пайын огъар берген. Ону аты, биринчилей, «муъминликни пачасы» деп гёчюрюле. Экинчилей де, о дагъы да Салем деген шагьарны пачасы, шо буса «парахатлыкъны пачасы» деп гёчюрюле.

Югьан 16:11

Аллагьны дуваны барына мюкюр этежек, неге тюгюл бу дюньяны есине дуван этилип битген.

Маттай 9:2

Шонда Ону янына тербенип болмай авруйгъан бир адамны ятывдагъы кююнде гелтирелер. Аврувну гелтиргенлени иманы барын гёрюп, Иса тербенмейген шо адамгъа: – Балам, къаст этип йибер! Сени гюнагьларынгдан гечилди! – дей.

2 Коринфдегилеге 2:14

Амма Аллагьыбызгъа шюкюрлюк болсун! О гьар заманда да бизин Месигь булан бирликде уьстюнлюкге багъып алып юрюй. Месигьни гьакъындагъы билимни Аллагь бизден таба бары да ерде арив ийисли зат йимик арагъа чыгъара.

2 Коринфдегилеге 4:7

Амма биз, шо хазнагъа ес болгъанлар, янгыз чыны савутларбыз. Шо саялы да шо оьлчевсюз къудрат бизден тюгюл, Аллагьдан гелегени ачыкъ.

2 Коринфдегилеге 6:4

Терсине, биз оьзюбюзню бары да затда Аллагьны къуллукъчулары йимик гёрсетебиз. Къыйынлыкъланы, тарчыкълыкъны, балагьланы, токъалавланы, туснакъланы, башгётеривлени, загьматланы, юхусуз гечелени, ачлыкъны чыдамлы кюйде башдан гечиребиз.

1 Югьан 2:13

Сизге язаман, аталар, неге тюгюл сиз башдан берли Болгъанны таныйсыз. Сизге язаман, жагьиллер, неге тюгюл сиз иблисден уьст гелгенсиз.