Югьан 1:37 - Сыйлы Китап Янгы Разилешивню

³⁷ Ягьияны эки де якъчысы, бу сёзлерин эшитип, Исаны арты булан гетелер.

Югьан 1:37 Referans Kwoze

Румдагъылагъа 10:17

Шолай болгъанда, Сююнч Хабар эшитилегенде, иман геле. Сююнч Хабар буса Месигьни гьакъында билдирилегенде геле.

Югьан 1:43

Эртенине Иса Галилеягъа бармагъа сюе. Филипни табып, огъар: – Гел, Мени артыма тюш! – дей.

Вагьий 22:17

Аллагьны Ругьу ва гелин: «Гел!» – деп айталар. Гьар эшитеген де: «Гел!» – деп айтсын. Сувсапгъа янагъанлар гелсинлер. Бары да сюегенлер яшав береген сувун гьавайын алсынлар.

Эфесдегилеге 4:29

Сизин авзугъуздан бир де нас сёз чыкъмасын, янгыз тарыкълы затгъа насигьаты булангъы, тынглавчулагъа пайдалы сёзлер чыкъсын.

Югьан 1:36

Исаны оьтюп барагъанын гёрюп, Ягьия: – Муна Аллагьны Къозусу, – дей.

Югьан 1:38

Бурулуп къарап, оланы гелегенин гёрюп, Иса олагъа: – Сизге не тарыкъ? – деп сорай. Олар да Огъар: – Устаз, Сен къайда яшайсан? – деп сорайлар.