Ягьудилеге 4:10 - Сыйлы Китап Янгы Разилешивню

¹⁰ Аллагьны рагьатланагъан ерине гиреген гьар ким, Аллагь Оьзюню ишлеринден рагьатланагъанда йимик, оьзюню ишлеринден рагьатланажакъ.

Ягьудилеге 4:10 Referans Kwoze

Вагьий 14:13

Сонг мен кёклерден булай сёзлени сёйлейген бир тавуш эшитдим: – Яз: Раббибизге иманы булан оьлегенлер бу энниден сонг насиплилердир. Аллагьны Ругьу булай дей: – Дюр. Олар бары да къыйынлыкъларындан рагьатланажакълар. Этген яхшы ишлери оланы арты булан юрюп туражакъ.

Ягьудилеге 10:12

Баш дин къуллукъчу болгъан Месигь буса, гюнагьлар учун биргине бир керен къурбан этип, Аллагьны онг ягъында даимге олтурду.

Югьан 19:30

Иса шо чагъырны татывлап къарагъан сонг: – Болагъаны болду! – дей. Башын тёшюне де салландырып, жанын бере.

Ягьудилеге 1:3

Уланы Атасыны макътавлугъуну нюрю болуп токътай ва Оьзю Аллагьны барлыгъын гёрсете. Къудратлы сёзю булан О бары затны сакълап тура. Бизин гюнагьларыбыздан тазалап, О кёклерде Оьр болгъан Аллагьны онг ягъында олтурду.

Ягьудилеге 4:9

Шо саялы Аллагь еттинчи гюн рагьатлыкъ тапды, Ону халкъы учун бир рагьатлыкъ къалыр.

Вагьий 6:11

Оланы гьарисине акъ абалар берилди. Олагъа Аллагьны къуллукъчуларындан ва иман къардашларындан оьзлер йимик оьлтюрюлмеге гереклилени санаву битгенче токъталсын деп айтылды.