Ягьуда 1:16 - Сыйлы Китап Янгы Разилешивню

¹⁶ Бу адамлар – арзачылар ва бугьтанчылар. Олар оьзлени напсларына тынглап юрюйлер, оьктем сёйлейлер, оьз пайдасы учун башгъалагъа ялынчлыкъ этелер.

Ягьуда 1:16 Referans Kwoze

2 Петер 2:18

Гюнагьлы табиатыны напсларына чакъырыв эте туруп, олар адашып юрюйгенлерден янгы арчылма башлагъанланы оьзлеге багъып тарталар.

2 Петер 2:10

Бу айрокъда оьзлени гюнагьлы напсы айтгъанны этип пасат юрюйгенлеге ва гьеч бир гьакимликни сан этмейгенлеге тие. Хохабаз ва эдепсиз шо ялгъан устазлар макътавлу болгъан малайиклени мысгъыллама да къоркъмайлар.

Филиппадагъылагъа 2:14

Бары затны кантсыз ва эришивлюксюз этигиз.

1 Петер 4:2

Натижада, бу дюньядагъы къалгъан яшавугъузну напсыгъызгъа тынглап оьтгермегиз, Аллагь рази къалагъан кюйде оьтгеригиз.

1 Коринфдегилеге 10:10

Оланы бирлери кант этгенде йимик кант этмегиз. Оланы Азирейил малайик оьлтюрдю.

Ягьуда 1:18

Олар сизге: «Ахыр заман оьзлени аллагьсыз напслары булан юрюйген мысгъыллавчулар арагъа чыгъажакъ», – деп айтгъан эдилер.

2 Петер 3:3

Инг башлап сиз шу затны билмеге герексиз: ахыр заман оьзлени напслары булан юрюйген мысгъыллавчулар арагъа чыгъажакълар.

1 Петер 2:11

Сююмлю къардашларым, сизге тилеймен, жаныгъызгъа къаршы дав юрютеген къаркъарагъыз булан байлавлу яман къастланы къоюгъуз. Сиз бу дюньяда ёлавчуларсыз ва гелгинчилерсиз.

Ягьуда 1:15

О бары да халкъгъа дуван этежек, аллагьсызланы этген аллагьсыз ишлерин ва аллагьсыз гюнагьлылар Оьзюню гьакъында айтгъан затланы аянгъа чыгъарып бережек».

1 Петер 1:14

Аллагьны тынглавлу авлетлери йимик болуп къалыгъыз. Яшавугъузну алда, сиз Аллагьны танымайгъан заманда, сизин елеген къастлардан амалгъа гелме къоймагъыз.

Галатиядагъылагъа 5:16

Шо саялы да мен сизге айтаман: Аллагьны Ругьу буюрагъан кюйде яшап къалыгъыз. Шо заман сиз гюнагьлы табиатыгъыз сюйген кюйде гюнагь ишлер этип юрюмессиз.

Югьан 6:61

Бу сёзлеге якъчылары хонтурлангъанын англагъан Иса олагъа: – Бу Мени сёзлерим сизин уьркдюреми?

2 Тимофейге 4:3

Бир заман гележек чи, инсанлар гьакъ герти уьйретивге тынгламагъа да сюймежеклер. Оьзлер чыдамсыз кюйде эшитме сюеген затлагъа гьасирет кюйде тынгламакъ учун, олар гьар тюрлю устазланы чакъыражакълар.

1 Салоникдегилеге 4:5

Аллагьны танымайгъан имансызлар напсы айтгъанны этип юрюйлер. Сиз буса шолай юрюмегиз.

Галатиядагъылагъа 5:24

Иса Месигьники болгъанлар напсылары ва гьасиретликлери булан бирге оьзлени гюнагьлы табиатларын хачгъа илгенлер.

Югьан 6:41

«Мен кёкден гелген азыкъман», – дегени саялы, ягьудилер Огъар разисизлигин билдирмеге башлайлар.

Лукъа 19:7

Муну гёрюп, халкъ къазапланмагъа башлай ва: – О бу гюнагьлы адамны уьюне неге гирди экен? – деп сёйлей.

Лукъа 15:2

Фарисейлер ва дин алимлер буса: – Бу Адам гюнагьлыланы къабул эте ва гьатта олар булан бирче олтуруп ашай, – деп кант эте.

Лукъа 5:30

Фарисейлер ва дин алимлер буса Исаны якъчыларына: – Сиз неге ясакъчылар ва гюнагьлылар булан бирче олтуруп ашап ичип турасыз? – деп сорай.