Вагьий 17:2 - Сыйлы Китап Янгы Разилешивню

² Бу дюньяны пачалары ону булан зина пасатлыкъ юрюте эди. Бу дюньяда яшайгъанлар да ону зина пасатлыгъыны чагъырындан эсиргенче иче эди, – деп айтды.

Вагьий 17:2 Referans Kwoze

Вагьий 14:8

Ону арты булан экинчи малайик гелди. О: – Тюп болду, тюп болду уллу шагьар Бабил! Неге тюгюл де, о оьзюню пасатлыгъына бакъгъан якъдагъы Аллагьны ачувуну чагъырын бары халкъгъа ичме борчлу этди, – деп айтды.

Вагьий 18:3

Неге тюгюл де, бары да халкълар ону зиналыгъыны ва Аллагьны къазапланывуну чагъырындан ичди. Дюньяны пачалары ону булан зиналыкъгъа тюшдюлер, савдюгерчилери де ону гьайбатлыгъы булан байлыкъ къазандылар.

Вагьий 18:9

Шагьар булан зина этип, ону байлыгъындан кеп чегип тургъан дюньяны пачалары о яллайгъан отну тютюнюн гёрген заманда, огъар яс этип йылажакълар.

Вагьий 18:23

Сенде дагъы бир заманда да чыракъ ярыкъ гёрюнмежек, гиевню ва гелинни тавушларын дагъы бирев де эшитмежек. Неге тюгюл де, сени савдюгерчилеринг дюньяны вазирлери эди; неге тюгюл де бары да халкъланы сени халмажчылыгъынг алдатды.

Вагьий 17:17

Аллагь о пачаланы юреклерине Оьзю сюйгенни этдирмек деген бир хыялны салды. Аллагьны сёзлери яшавгъа чыкъгъанча, олар оьзлени гьакимлигин къыр жангъа бермеге рази болажакъ.

Вагьий 3:10

Сен чыдамлыкъда тур деген Мени буйругъумну кютдюнг. Шо саялы Мен де сени, ер юзюнде яшайгъанланы сынамакъ учун бютюн дюньяны уьстюне гележек сынав сагьатындан къоружакъман.

Вагьий 17:13

Оланы мурады бир: олар оьзлени гьакимлигин ва гючюн къыр жангъа бережеклер.

Югьан 2:10

огъар булай дей: – Адамлар яхшы чагъырны башлап бере. Кёп ичип, къонакълар эсиргенде буса, яманын бере. Сен буса яхшы чагъырны артгъа сакълагъан болгъан экенсен.

Вагьий 2:22

Шону учун Мен ону ятывгъа саларман. Ону булан бирге зина этегенлер де, огъар къошулуп шо ёлда юрюгени учун, товба этмей тургъан чакъы заман азап чегип турар.

Вагьий 9:21

Олар адам оьлтюргени, этеген халмажчылыкълары, зиначылыкълары ва уручулукълары саялы товба этмеген эдилер.

Вагьий 17:5

Ону мангалайына «Уллу Бабил – дюньяны къагьбаларыны ва бары да жиргенчликлерини анасы» деген бир сырлы маънасы булангъы ат язылгъан эди.

Вагьий 17:8

Сен гёрген къыр жан бир заманларда болгъан, гьали буса ёкъ. Бираздан сонг о тюпсюз къуюдан чыгъажакъ ва даимге ёкъ болажакъ. Ер юзюнде яшайгъан ва дюнья яралгъандан берли оьзлени атлары яшав китабына язылмагъанлар, къыр жанны гёргенде, тамаша болажакълар. Неге тюгюл де, о бир заманларда болгъан, гьали буса ёкъ, амма бирдагъы керен гележек.