Маттай 26:26 - Сыйлы Китап Янгы Разилешивню

²⁶ Олар ашайгъанда, Иса экмек алып, шюкюр дуа да этип, сындырып якъчыларына пайлай. Сонг: – Алып ашагъыз. Бу Мени къаркъарамдыр, – дей.

Маттай 26:26 Referans Kwoze

Элчилер 20:7

Жуманы биринчи гюнюнде биз экмек бёлюв адатны кютмеге деп жыйылдыкъ. Павел жыйылгъанлар булан лакъырлаша эди. Артындагъы гюн Павел геме булан ёлгъа чыкъмагъа герек эди, шо саялы о жыйылгъанлар булан гечорта болгъунча лакъыр этип турду.

1 Коринфдегилеге 10:4

ва барысы да бир ругь сувун ичген. Олар оьзлени арты булан гелген бир ругь ташдан ичгенлер. Шо таш буса Месигь эди.

Элчилер 2:46

Исаны якъчылары гьар гюн ибадатханада бирче жыйылалар. Уьйде гьакъ юрекден, сююнч булан экмек бёлюв адатны кютелер.

Лукъа 24:30

Иса олар булан тепсиде олтургъанда, экмекни де алып, шюкюр дуа эте ва ону сындырып олагъа бере.

Марк 6:41

Иса беш экмекни де, эки балыкъны да алып, кёкге багъып къарап, шюкюр дуа эте. Сонг, сындырып, экмеклени якъчыларына бере, олар да халкъгъа пайлайлар. Иса эки балыкъны да шолай барысына да пайлай.

Маттай 14:19

Иса халкъгъа отну уьстюнде олтурмагъа буюра. О беш экмекни де, эки балыкъны да алып, кёкге багъып къарап, шюкюр дуа эте. Сонг, сындырып, экмеклени якъчыларына бере, олар да халкъгъа пайлайлар.

Маттай 26:27

Аякъны алып, шюкюр дуа эте. Олагъа берип, булай дей: – Барыгъыз да мундан ичигиз.

Лукъа 22:17

Аякъны алып, О шюкюр дуа эте ва: – Муну алыгъыз ва оьз арагъызда бёлюгюз.