Маттай 2:2 - Сыйлы Китап Янгы Разилешивню

² Олар булай дей: – Ягьудилени тувгъан пачасы къайдадыр? Биз гюнтувушда Ону юлдузу тувгъанны гёрюп, Огъар сужда этме гелгенбиз.

Маттай 2:2 Referans Kwoze

Вагьий 22:16

Мен, Иса, Магъа иман салгъанланы жыйынлары учун сизге бу затланы гьакъында шагьатлыкъ этсин деп, Оьзюмню малайигимни йибердим. Давутну тамуру, Ону наслусу Менмен. Ярыкъ тангчолпан Менмен, – деп айтды.

Югьан 18:37

– Демек, Сен пачасан дагъы? – деп сорай Пилат Огъар. – Мен пача деп сен оьзюнг айта турасан чы. Мен бу дюньягъа гьакъ гертиликни гьакъында шагьатлыкъ этмек учун тувгъанман ва гелгенмен. Гьакъ гертиликни якълайгъан гьар ким Магъа тынглай, – деп жавап бере Иса.

Ягьудилеге 1:6

Оьзюню бютюн аламдан да алда тувгъан Уланын дюньягъа йиберип, Аллагь булай айтды: Аллагьны бары да малайиклери Огъар сужда этсинлер.

Лукъа 23:38

Ону уьстюнде «Ягьудилени пачасы» деп язылгъан языв бола.

Лукъа 23:3

– Сен ягьудилени пачасымысан? – деп сорай Пилат Огъар. – Оьзюнг айтып бердинг чи! – деп жавап бере Иса огъар.

Югьан 1:49

– Устаз! Сен Аллагьны Уланысан, Сен Исрайылны пачасысан, – деп жавап бере Натанайыл Огъар.

Лукъа 19:38

– Раббибизни аты булан гелеген Пачагъа Аллагьны яхшылыгъы болсун! Кёклерде парахатлыкъ ва Аллагьгъа макътав болсун! – дейлер.

Лукъа 2:11

Бугюн Давут тувгъан шагьарда сизге Къутгъарывчу тувду. О – Месигь Раббидир.

Югьан 9:38

– Я Рабби, иман саламан, – деп, сужда эте о.

Югьан 19:19

Пилат такътагъа: «Назаретли Иса, ягьудилени пачасы», – деп яздырып, ону хачгъа къакъдыра.

Югьан 12:13

хурма терекни бутакъларын да алып, Ону къаршылама чыгъып: – Гьосанна! Раббибизни аты булан гелегенге, Исрайылны пачасына, Аллагьны яхшылыгъы болсун! – деп къычыра.

Маттай 27:11

Иса Пилат гьакимни алдында токътай. Пилат Огъар: – Сен ягьудилени пачасымысан? – деп сорай. – Оьзюнг айтып бердинг чи! – деп жавап бере Иса огъар.

Югьан 20:28

– Мени Раббим, мени Аллагьым! – деп жавап бере Тома Огъар.

Маттай 21:5

Сион къызына айтыгъыз: янынга Пачанг геле тура. О саламат кюйде эшекге минген. Тиши эшекден тувгъан къодукъгъа минген.

Маттай 2:3

Шону эшитгенде, Гьирод пача да, ону булан бирге Ерусалимни халкъыны кёп яны да адап къала.