Маттай 14:23 - Сыйлы Китап Янгы Разилешивню

²³ Халкъны йибергенден сонг, дуа этмек учун, Иса тавгъа чыгъа. Ахшам болгъанда да онда янгыз къала.

Маттай 14:23 Referans Kwoze

Лукъа 6:12

Бир керен шо гюнлерде, дуа этмек учун, Иса тавгъа чыгъа ва сав гечени Аллагьгъа дуа эте туруп оьтгере.

Марк 6:46

Халкъны ёлгъа салгъандан сонг, дуа этмек учун, Иса тавгъа чыгъа.

Маттай 26:36

Сонг Иса олар булан бирге Гетсамания деп айтылагъан бир ерге геле. О якъчыларына: – Мен онда барып дуа этгинче, сиз мунда олтуруп туругъуз, – дей.

Маттай 6:6

Сен буса дуа этеген заманда, уьюнге гирип, эшигингни де бегитип, гёзге гёрюнмейген Атанга дуа эт. Гёзге гёрюнмейгенни де гёреген Атанг да сагъа тийишлисин бережек.

Элчилер 6:4

Биз буса дуа этивню ва Аллагьны каламын билдиривню гьайын этейик.

Лукъа 9:28

Бу сёзлени сёйлеп сегиз гюнден сонг, Петерни, Югьанны ва Якъубну да алып, Иса дуа этмек учун тавгъа чыгъа.

Марк 1:35

Эртен кёп тез туруп, Иса къыргъа чыгъа ва янгыз ерге барып, онда дуа эте.

Лукъа 3:21

Бютюн халкъ йимик, Иса да, сувгъа чомдуртуп, Оьзюн Аллагьгъа тапшурта. Иса дуа этеген заманда, кёк ачыла.

Лукъа 5:16

Оьзю Иса буса, янгыз ерлеге гетип, дуа этип тура.

Лукъа 9:18

Бир керен Иса янгыз ерде дуа этегенде, Ону янына якъчылары геле. Иса олагъа: – Халкъ Мени ким деп гьисап эте? – деп сорай.