Маттай 11:10 - Сыйлы Китап Янгы Разилешивню

¹⁰ Ягьия пайхаммарны гьакъында Сыйлы Язывларда булай язылгъан: Муна, Мен Сени алдынга Оьзюмню чавушумну йиберемен. О Сени алдынгда ёлунгну гьазирлежек.

Маттай 11:10 Referans Kwoze

Марк 1:2

Ешая пайхаммарны китабында булай язылгъан: Муна, Мен Сени алдынга Оьзюмню чавушумну йиберемен. О Сени алдынгда ёлунгну гьазирлежек Дангылда биревню гючлю сеси эшитиле: «Раббибизге ёл гьазирлегиз! Огъар ёлланы тюз этигиз!»

Югьан 1:23

– Ешая пайхаммар айтгъаны йимик, Мен Раббибизге ёл тюз этигиз деп, дангылда чалынгъан бир сесмен, – деген о.

Маттай 3:3

Ягьияны гьакъында Ешая пайхаммар айтгъан сёз муна шудур: Дангылда биревню гючлю сеси эшитиле: Раббибизге ёл гьазирлегиз! Огъар ёлланы тюз этигиз!

Маттай 11:11

Гертисин сёйлеймен сизге: инсанланы арасында Ягьиядан оьр болуп дагъы бирев де ёкъдур, амма Аллагьны гьакимлигини тюбюндегилени инг гиччиси де ондан уллудур.

Лукъа 1:76

Сен де, балам, Аллагьу Тааланы пайхаммары деген атны алажакъсан, неге тюгюл Огъар ёллар салмакъ учун, Ону алды булан йиберилежексен,