Марк 14:61 - Сыйлы Китап Янгы Разилешивню

⁶¹ Иса сёйлемей токътай ва гьеч жавап бермей. Шо заман дин къуллукъчуланы башчысы Огъар: – Аллагьу Тааланы Уланы ва Месигь Сенмисен? – деп дагъы да сорай.

Марк 14:61 Referans Kwoze

Марк 15:2

Пилат Огъар: – Сен ягьудилени пачасымысан? – деп сорай. – Оьзюнг айтып бердинг чи! – деп жавап бере Иса огъар.

Югьан 19:7

– Бизин Къанунубуз бар, бизин шо Къанунубузгъа гёре, О оьлмеге герек, неге тюгюл О Оьзюн Аллагьны Уланыман деп гьисап эте, – деп жавап берелер ягьудилер.

1 Петер 2:23

Оьзюн сёгегенде, О сёгюшюв булан жавап къайтармады. Оьзю азап чегегенде, биревге де къоркъув бермеди, адилли кюйде дуван этеген Аллагьгъа аркъа таяп токътады.

Югьан 10:36

Аллагь Мени танглап бу дюньягъа йиберди. Шолай болгъан сонг: «Аллагьны Уланыман», – дейгеним саялы, «Капирлик этесен», – деп нечик айтма боласыз?

Югьан 1:34

Мен шону гёрдюм ва: «Аллагьны Уланы Будур», – деп шагьатлыкъ этдим.

Маттай 16:16

Симон деп айтылагъан Петер: – Сен гьакъ Аллагьны Уланысан, Месигьсен, – деп жавап бере.

Маттай 8:29

Олар: – Гьей Аллагьны Уланы, бизден не сюесен? Мунда бизге белгиленген болжалдан алда азап берме гелгенмисен? – деп къычыралар.

Маттай 3:17

кёкден: – Бу Мени сююмлю Уланымдыр. О Мени къуванчымдыр! – деген бир сес чалына.

1 Тимофейге 6:15

Макътавлу, биргине бир Гьаким, пачаланы да Пачасы, раббилени де Раббиси болгъан Аллагь шо гюнню алданокъ белгиледи.

1 Тимофейге 1:11

Шо уьйретив макътавлу Аллагьны магъа инанылгъан макътавлу хабарыны ичине гийирилген.

Элчилер 8:32

Сыйлы Язывлардан о бу сёзлени охуй болгъан: Ону къойну йимик соймагъа элтгенлер ва къозу оьзюн къыркъагъанланы алдында тилсиз болуп токътайгъанда йимик, О Оьзюню авзун да ачмагъан.

Югьан 19:9

Янгыдан бекликге гирип, Пилат Исагъа: – Сен къайдансан? – деп сорай. Тек Иса огъар жавап бермей.

Югьан 18:37

– Демек, Сен пачасан дагъы? – деп сорай Пилат Огъар. – Мен пача деп сен оьзюнг айта турасан чы. Мен бу дюньягъа гьакъ гертиликни гьакъында шагьатлыкъ этмек учун тувгъанман ва гелгенмен. Гьакъ гертиликни якълайгъан гьар ким Магъа тынглай, – деп жавап бере Иса.

Югьан 10:24

Мунда ягьудилер, Исаны айланасына жыйылып, Огъар: – Къачан болгъунча Сен бизин чыдамлыгъыбызны сынап туражакъсан? Эгер Сен Месигь бусанг, тувра айтып къой, – дейлер.

Марк 14:60

Шо заман дин къуллукъчуланы башчысы ортагъа чыгъып, Исагъа: – Неге бир жавап да бермейсен? Буланы Сагъа айтагъанларына къаршы айтмагъа затынг ёкъму? – деп сорай.