Лукъа 4:16 - Сыйлы Китап Янгы Разилешивню

¹⁶ Иса Оьзю оьсген Назаретге геле. Оьзюню адатына гёре, сонгугюн О синагоггъа бара ва Сыйлы Язывланы охумакъ учун, ортагъа чыгъа.

Лукъа 4:16 Referans Kwoze

Элчилер 17:2

Павел, оьзюню адатына гёре, синагоггъа барып, уьч сонгугюн ягьудилер булан Сыйлы Язывланы гьакъында лакъыр этип тура.

Маттай 2:23

Онда гелип, о Назарет деген шагьарда ерлеше. «Огъар назаретли деп айтылажакъ» деген пайхаммарны сёзлери яшавгъа чыгъа.

Лукъа 2:51

Иса ата анасы булан гете ва Назаретге геле, оланы изнусундан чыкъмай тура. Ону анасы буса бары да бу затланы эсде сакълай ва оланы гьакъында ойлаша тура.

Лукъа 2:42

Яшгъа он эки йыл битгенде, олар гьаманда йимик байрамгъа Ерусалимге баралар.

Югьан 18:20

Иса огъар: – Мен бары да халкъны алдында ачыкъ кюйде сёйледим. Мен бары да ягьудилер жыйылагъан синагогларда гьар заман Аллагьны каламын англатдым, яшыртгъын бир зат да сёйлемедим.

Лукъа 4:21

Иса олагъа: – Мен сизге охугъан бу сёзлер эшитеген бары да халкъны алдында бугюн яшавгъа чыгъып тура, – деп сёйлеме башлай.

Лукъа 2:39

Раббибизни Къануну буюрагъан бары да затланы тамам этгенден сонг, Юсуп булан Мариям Галилеягъа, оьз шагьары Назаретге къайталар.

Лукъа 4:15

О синагогларда адамлагъа Аллагьны каламын англата ва олар барысы да Ону макътай.

Лукъа 4:17

Исагъа Ешая пайхаммарны китабын берелер. Китапны ачып, О булай сёзлер язылгъан ерин таба:

Лукъа 4:23

Иса олагъа: – Озокъда, сиз Магъа «Гьей эмчи! Сен бир башлап Оьзюнге эм эт» деген айтывну айтма боласыз. Капернагьумда болгъан деп биз эшитген затланы мунда, Сени ватанынгда да, эт деп сёйлемеге боласыз, – дей.