Лукъа 3:21 - Сыйлы Китап Янгы Разилешивню

²¹ Бютюн халкъ йимик, Иса да, сувгъа чомдуртуп, Оьзюн Аллагьгъа тапшурта. Иса дуа этеген заманда, кёк ачыла.

Лукъа 3:21 Referans Kwoze

Лукъа 5:16

Оьзю Иса буса, янгыз ерлеге гетип, дуа этип тура.

Маттай 14:23

Халкъны йибергенден сонг, дуа этмек учун, Иса тавгъа чыгъа. Ахшам болгъанда да онда янгыз къала.

Лукъа 9:18

Бир керен Иса янгыз ерде дуа этегенде, Ону янына якъчылары геле. Иса олагъа: – Халкъ Мени ким деп гьисап эте? – деп сорай.

Югьан 1:51

Сонг Иса булай дей: – Гертисин сёйлеймен сизге: кёкню ачылгъанын, Аллагьны малайиклери Инсанны Уланыны уьстюне тюшюп гелегенин ва гётерилип гетегенин гёрежексиз.