Лукъа 1:78 - Сыйлы Китап Янгы Разилешивню

⁷⁸ Аллагьыбызны юреги рагьмудан толуп, кёклерден къутгъарывну Гюнешин йибережек. О къарангылыкъда ва оьлюм тунлугъунда турагъанлагъа барысына да ярыкъ бережек.

Лукъа 1:78 Referans Kwoze

2 Петер 1:19

Шогъар пайхаммарлар айтгъан сёзлер бизин дагъы да бек инандырды. Шо сёзлеге сиз танг къатып, юреклеригизде тангчолпан тувгъанча, къарангылыкъда эртен болгъанча ярыкъ береген чыракъгъа йимик янашып, тюз этесиз.

Колосдагъылагъа 3:12

Сиз Аллагьны халкъысыз. О сизин кёп сююп сайлады. Шогъар гёре рагьмуну, языкъсынывну, саламатлыкъны, инсанлар булангъы аралыкъда илиякълылыкъны, сабурлукъну опуракълардай этип гийигиз.

Филиппадагъылагъа 2:1

Месигь булан бирликде болмакъ сизин ругьландыра ва Ону сюювю сизин рагьатландыра. Аллагьны Ругьу булан бирлешгенсиз, бир биригизге бакъгъан якъда рагьмугъуз ва языкъсынывугъуз бар.

Эфесдегилеге 5:14

Нюр бары да затны гёрюнеген этип къоя. Шо саялы булай айтылгъан: Уян, гьей юхлайгъан адам, оьлюмден тирил! Месигь сени нюрлендирежек.

Вагьий 22:16

Мен, Иса, Магъа иман салгъанланы жыйынлары учун сизге бу затланы гьакъында шагьатлыкъ этсин деп, Оьзюмню малайигимни йибердим. Давутну тамуру, Ону наслусу Менмен. Ярыкъ тангчолпан Менмен, – деп айтды.

1 Югьан 3:17

Эгер дюньяда мадарлы яшайгъан бирев, иман къардашыны тарчыкълыкъда экенин гёрюп, огъар рагьму этмей буса, Аллагьны сюювю онда нечик яшасын?

Филиппадагъылагъа 1:8

Сизин барыгъызны да мен Иса Месигьге хас болгъан сююв булан сюегениме ва гёрме гьасиретлигиме Аллагь шагьатдыр.

Югьан 3:16

Аллагь дюньяны олай сюе чи, Оьзюню биргине бир Уланын огъар берип къойду. Уланына иман салагъан гьар ким оьлмесин учун, даимлик яшав алсын учун, О шолай этди.