Элчилер 13:41 - Сыйлы Китап Янгы Разилешивню

⁴¹ Олар буса булай дегенлер: Тынглагъыз, гьей мысгъыллавчулар! Тамашалыкъ этип, лагь болугъуз! Мен сиз яшайгъан заманда, оьзюгюз инанмас йимик бир иш этежекмен. Шо ишни гьакъында сизге хабарласа да, сиз бир заманда да инанмажакъсыз.

Элчилер 13:41 Referans Kwoze

1 Петер 4:17

Дуванны Аллагьны адамларындан башламагъа заман етишди. Шо бизден башлана болгъан сонг, Аллагьны Сююнч Хабарына таби болмагъанланы ахыры нечик болур экен?

1 Салоникдегилеге 2:16

Ят халкълар къутгъарылсын учун, биз олар булан сёйлемеге къарайбыз. Ягьудилер буса бизге пуршав этмеге айланалар. Шолайлыкъ булан олар оьзлени гюнагьларын артдыралар. Не буса да Аллагьны къазапланыву олагъа етишген.

Элчилер 13:47

Неге тюгюл де, Раббибиз бизге булай буюрду: Сен бютюн ер юзюне къутгъарыв гелтирсин учун, Мен Сени ят халкълар учун бир шавла этип яратдым.

Элчилер 22:21

Раббибиз магъа: «Бар, Мен сени йыракъгъа – ят халкъланы янына – йиберемен», – деп айтды.

Лукъа 16:14

Акъчагъа сутур фарисейлер, бары да бу сёзлени эшитип, Исаны уьстюнден кюлеме башлайлар.

Элчилер 3:23

Олай бир заман гележек – о пайхаммаргъа тынгламайгъан гьар адам халкъны арасындан ёкъ болажакъ».

Элчилер 6:14

Назаретли Иса ибадатхананы дагъытажакъ ва Муса бизге къойгъан адатланы алышдыражакъ деп айтгъанын да биз эшитдик, – дейлер.

Лукъа 23:35

Халкъ токътап къарай. Олар булан бирге башчылар да, Ону мысгъыллай туруп: – Башгъаланы къутгъара эди, эгер О Месигь буса, Оьзюн де къутгъарсын гьали, – дей.