Элчилер 13:30 - Сыйлы Китап Янгы Разилешивню

³⁰ Амма Аллагь Ону оьлюмден тирилтген.

Элчилер 13:30 Referans Kwoze

Элчилер 2:24

Исаны тирилтип, Аллагь Ону оьлюмню азапларындан къутгъарды, неге тюгюл О оьлюмню къолунда къалмагъа болмай эди.

Элчилер 17:31

Аллагь Оьзю сайлагъан Исадан таба савлай дюньягъа адилли дуван этежек гюнню белгиледи. О шо Адамны оьлюмден тирилтмеклиги булан шону бютюн инсанлагъа исбатлады.

Маттай 28:6

О мунда тюгюл. Оьзю де айтгъаны йимик, О тирилди. Ювукъ гелигиз. Къарагъыз: О мунда ятгъан эди.

Ягьудилеге 13:20

Оьзюню къаны булан даимлик разилешивню бегетген, къойланы да уллу Къойчусу болгъан Раббибиз Исаны оьлюмден тирилтген, парахатлыкъ береген Аллагь гьар бир яхшы ишде Оьзюню сюйгенин яшавгъа чыгъармакъ учун, сизин тюз ёлгъа салсын дагъы. Оьзюне гьар даим де макътавлар болгъур Раббибиз Иса Месигьден таба О бизде Оьзюню кепине гелеген затны яратсын дагъы. Амин.

Элчилер 10:40

Буса да оьлюп уьчюнчю гюн, Аллагь Ону тирилтип, халкъгъа гёрюнмеге буюргъан.

Элчилер 4:10

сизге барыгъызгъа да ва Исрайылны бютюн халкъына белгили болсун: сиз Оьзюн хачгъа илген, Аллагь оьлюмден тирилтген назаретли Иса Месигь берген гьакимлик булан шо адам саппа сав болуп, сизин алдыгъызда эретуруп тура.

Элчилер 3:26

Сизин терс ёллагъа тюшме къоймай, тюз ёллагъа салмакъ учун, Аллагь, Оьзюню къуллукъчусун чыгъарып, башлап сизин яныгъызгъа йиберди.

Элчилер 3:15

Сиз яшав берегенни оьлтюрдюгюз. Амма Ону Аллагь оьлюмден тирилтди, биз де шону шагьатыбыз.

Элчилер 3:13

Ибрагьимни, Исгьакъны ва Якъубну Аллагьы, ата бабаларыбызны Аллагьы Оьзюню Уланы Исаны макътавлу этди. Сиз буса Ону оьлюмге тарытдыгъыз, Пилат Ону азат этмеге токъташгъанда, Пилатны алдында сиз Ону инкар да этдигиз.

Элчилер 2:32

Аллагь Исаны тирилтген, биз барыбыз да шогъар шагьатбыз.

Югьан 10:17

Жанымны янгыдан къайтарып алмакъ учун берегеним саялы, Атам Мени сюе.

Югьан 2:19

– Бу ибадатхананы бузугъуз. Уьч гюнден Мен муну къайтарып тургъузарман, – деп жавап бере Иса олагъа.

Элчилер 13:34

Къаркъарасы чирип дёнмесин деп, Исаны оьлюмден тирилтгени гьакъында Аллагь дагъы да булай айтгъан: Мен Давутгъа этген сыйлы ваъданы сизге яшавгъа чыгъарып гёрсетежекмен.

Элчилер 13:37

Аллагь оьлюмден тирилтген адам буса чирип дёнмеген.