2 Салоникдегилеге 3:8 - Сыйлы Китап Янгы Разилешивню

⁸ Гьеч биревню де гьавайын ашын ашамадыкъ ва биревге де намус салмайыкъ деп, гечесин гюнюн бир этип ишледик, загьмат тёкдюк.

2 Салоникдегилеге 3:8 Referans Kwoze

Маттай 6:11

Бугюн бизге гюнлюк азыгъыбызны бер.

1 Салоникдегилеге 2:9

Къардашлар, биз нечик ишлегенибиз ва нечик загьмат тёкгенибиз сизин эсигиздедир. Сизин арагъызда Аллагьны Сююнч Хабарын билдире туруп, сизге гьеч бир намус да салмайбыз деп, биз гечеси гюню булан ишлеп турдукъ.

Элчилер 18:3

Акиланы да Павелники йимик чатырлар тигеген касбусу болгъан, шо саялы Павел ону булан бирче ишлемеге къала.

1 Салоникдегилеге 4:11

Алда биз сизге айтгъаныбыз йимик, гьар ким, оьз ишигиз булан машгъул болуп ва оьз къолларыгъыз булан ишлей туруп, парахат яшамагъа къаст этигиз.

Эфесдегилеге 4:28

Бир урлагъан дагъы урламагъа тюшмей. Терсине, тарчыкълыкъдагъылагъа пай чыгъарып болмакъ учун, оьзюню къоллары булан загьмат тёкмеге тюше.

1 Коринфдегилеге 4:12

Оьзюбюзню къолларыбыз булан яманокъ загьмат тёгебиз. Бизин сёгелер, биз буса олагъа Аллагьны яхшылыгъын ёрап дуа этебиз. Бизин гьызарлайгъанда, сабурлукъ этип турабыз.

2 Салоникдегилеге 3:12

Раббибиз Иса Месигьни аты булан биз шолай тайпалагъа тийишли кюйде яшамагъа, оьзлеге аш сувгъа сама зат къазанмагъа башласын деп буюрабыз.

2 Коринфдегилеге 11:9

Сизин яныгъызда болуп, магъа гьеч зат тарыкълы болгъанда, мен сизин биригизге де ончакъы авур намус салмадым. Магъа тарыкълы гьар зат булан Македониядагъы иман къардашларыбыз кёмек этди. Мен бир затда да сизге намус салмагъа къарамадым ва энниден сонг да шолай этежекмен.

Элчилер 20:34

Оьз гьажатларыма ва мени булангъыланы гьажатларына харжны мен бу къолларым булан къазангъанны сиз билесиз.

1 Коринфдегилеге 9:4

ашамагъа ва ичмеге бизин ихтиярыбыз ёкъму?

2 Коринфдегилеге 11:27

Мен гьалсыз болгъунча ишлеп ва загьмат тёгюп турдум. Нечесе керенлер юхусуз къалдым. Мен ач къалдым, сувсабымдан янып турдум, кёп керенлер рызкъысыз турдум. Исси гийинме имканлыгъым болмай, сувукълукъ не экенни билдим.