2 Коринфдегилеге 9:8 - Сыйлы Китап Янгы Разилешивню

⁸ Оьзюню дазусуз даражадагъы яхшылыгъы булан Аллагь сизге гьар заман бары да тарыкълы затны бермеге бола ва гьар яхшы иш учун мол имканлыгъыгъыз болажакъ.

2 Коринфдегилеге 9:8 Referans Kwoze

Эфесдегилеге 3:20

Огъар, гьали Оьзюню къудраты бизде иш гёреген ва биз тилейгенибизден яда гьатта хыял этегенибизден де артыкъны этеген Аллагьыбызгъа,

Титге 3:14

Оьзлени яшаву пайдасыз оьтмесин учун, бизинкилер, гьар гюнлюк тарыкъ герекни гьакъында ойлаша туруп, яхшы ишлер этмеге уьйренмеге тарыкъ.

2 Коринфдегилеге 8:7

Сизде бары да зат артыкълыгъы булан бар: иманыгъыз, сёзге усталыгъыгъыз, билимигиз, къастыгъыз, бизге бакъгъан якъдагъы сюювюгюз. Шолай болгъан сонг, сиз бу рагьмулу ишде де чомарт чыгъажакъсыз.

1 Коринфдегилеге 15:58

Булайлыкъда, гьей сююмлю къардашларым, Раббибизни ёлунда къатты кюйде токътагъыз. Оьзюгюзню даим Раббибизге къуллукъ этивге толу кюйде багъышлагъыз, неге тюгюл сиз О учун тёкген къыйыныгъыз бошуна гетмежегин билесиз.

2 Коринфдегилеге 9:11

Гьар бир онгайлыкъ тюшгенде, чомартлыгъыгъызны гёрсетмек учун, сиз де бары якъдан бай болажакъсыз ва кёплер бизден алгъан савгъатлары учун Аллагьгъа шюкюрлюк этежеклер.

2 Коринфдегилеге 8:2

Оьзлер къатты сынавлагъа тюшюп тура буса да, кёп тарчыкълыгъына да къарамайлы, оланы уллу къуванчы дазусуз чомартлыгъында ачыкъ болду.

Титге 3:8

Булар инамлы сёзлердир. Аллагьгъа иман салгъанлар яхшы ишлер булан машгъул болсун учун, сен бу сёзлени ташдырып айтгъанынгны сюемен. Бу олагъа да, башгъалагъа да пайдалы.

Эфесдегилеге 2:10

Биз Аллагьны яратывубуздур. Оьзю алданокъ белгилеген ишлени кютмек учун, Аллагь бизин Иса Месигь булан бирликде гьалиги кююбюзде яратды.

1 Петер 4:10

Аллагь берген савгъатны гьар биригиз башгъагъа къуллукъ этмек учун тийишли кюйде пайдаландырыгъыз.

Титге 2:14

Бизин гьар тюрлю яманлыкълардан къутгъармакъ ва тазаламакъ учун, биз яхшылыкъ этмеге гьасирет Оьзюню халкъы болсун учун, Иса Оьзюн къурбан этди.

2 Коринфдегилеге 8:19

Ондан къайры да, бизин булан бармагъа ва садагъа акъчаланы етишдирмеге ону Исагъа иман салгъанланы жыйынлары сайлагъан. Шо къуллукъ этив Раббибизге макътавлукъ гелтире ва бизин кёмек этмеге гьазирлигибизни гёрсете.

Колосдагъылагъа 1:10

Сиз Раббибизге лайыкълы болгъан яшав булан яшасын деп, гьар бир ишигизде О ушатагъан кюйде иш гёрсюн деп, гьар рагьмулу ишде сизин загьматыгъыз натижа берсин деп, сизин Аллагьгъа тюшюнювюгюз артсын деп, биз дуа этебиз.

Элчилер 9:36

Яффа деген шагьарда Табита (грекче «Дорка») деген бир къатынгиши яшай болгъан. О Исаны якъчысы болгъан. О кёп яхшы ишлер де эте, пакъырлагъа садагъа да бере болгъан.

2 Салоникдегилеге 2:17

сизин ругьландырсын, яхшы болагъан затланы гьар заман этмеге ва айтмагъа сизге гюч берсин.

2 Тимофейге 3:17

Шолайлыкъда, Аллагьны къулу бажарывлу болур ва гьар бир яхшы иш учун гьазир болур.

2 Коринфдегилеге 13:3

Сиз Месигь менден таба сёйлейгенликге далиллер ахтарасыз чы. Сизин учун Месигь къудратсыз тюгюл, О Оьзюню уллу къудратын сизин арагъызда гёрсете!

Филиппадагъылагъа 4:11

Мен ону айтагъаным гьеч бир затгъа тарчыкълыгъым болгъаны саялы тюгюл. Гьар гьалда бары да затгъа рази болуп къалмагъа мен уьйренгенмен.

2 Тимофейге 2:21

Тап шо кюйде наслыкъдан тазалангъан инсан, гьар бир яхшы ишде есине пайдалы ва таза болуп, гьюрметли гюн учунгъу савут саба йимик къолланма болур.