2 Коринфдегилеге 8:19 - Сыйлы Китап Янгы Разилешивню

¹⁹ Ондан къайры да, бизин булан бармагъа ва садагъа акъчаланы етишдирмеге ону Исагъа иман салгъанланы жыйынлары сайлагъан. Шо къуллукъ этив Раббибизге макътавлукъ гелтире ва бизин кёмек этмеге гьазирлигибизни гёрсете.

2 Коринфдегилеге 8:19 Referans Kwoze

2 Коринфдегилеге 4:15

Неге тюгюл де, бизин бары да къыйналывубуз сизин учун, Аллагьны рагьмусу кёп адамлагъа етишсин учун. Шо заман олар Аллагьгъа шюкюрлюк этежек, шону натижасында Ону макътавлугъу артажакъ.

2 Коринфдегилеге 9:8

Оьзюню дазусуз даражадагъы яхшылыгъы булан Аллагь сизге гьар заман бары да тарыкълы затны бермеге бола ва гьар яхшы иш учун мол имканлыгъыгъыз болажакъ.

Элчилер 15:25

Шо саялы биз барыбыз да разилешип, бир нече адамны сайладыкъ ва бизин сююмлю Барнаба ва Павел булан бирликде оланы сизин яныгъызгъа йибермеге токъташдыкъ.

Элчилер 15:22

Сонг элчилер ва ёлбашчылар Исаны бары да якъчылары булан бирге, Павел ва Барнаба булан Антиокиягъа йибермек учун, оьзлени арасындан бир нече адамны сайламагъа токъташалар. Олар Барсаба деп айтылагъан Ягьуданы ва Силаны сайлайлар. Шо эки де адам иман къардашланы арасында абурлулардан санала болгъан.

Элчилер 14:23

Павел ва Барнаба Исагъа иман салгъанланы гьар жыйынында тамазаланы белгилейлер. Дуа этмек ва ораза тутмакъ булан оланы Оьзюне иман салгъан Раббибизге аманат этелер.

Элчилер 19:22

Кёмекчилеринден экевню – Тимофейни ва Эрастны – Македониягъа йиберип, оьзю бираз замангъа Асияда къала.

Элчилер 19:29

Узакъ къалмай бютюн шагьар хозгъалыша. Халкъ, Павелни ёлдашлары македониялы Гайны ва Аристархны тутуп, театргъа багъып онгарыла.

Румдагъылагъа 5:3

Янгыз муну булан да тюгюл, азап чегивюбюзден де оьктем болабыз. Неге тюгюл де, азап чегив чыдамлыкъгъа, чыдамлыкъ къаттылыкъгъа, къаттылыкъ буса умутгъа багъып гелтирегенни билебиз.

Румдагъылагъа 5:11

Муну булан да битип къалмай, Раббибиз Иса Месигьден таба бизин Оьзю булан ярашдыргъан Аллагьдан къуванабыз!

2 Коринфдегилеге 8:11

Гьали буса бу ишни хыялларыгъызда болгъан гьазирлик булан ва сизге имканлыкъларыгъыз береген даражада тамамлагъыз.

2 Коринфдегилеге 8:12

Эгер де сизин шолай гьазирлигигиз бар буса, Аллагьны ягъындан шо сизде ёкъ затгъа асасланып тюгюл, бар затгъа асасланып къабул этиле.

2 Коринфдегилеге 8:20

Тюшген садагъа акъчаланы пайлайгъаныбыз саялы, бизин айыпламагъа гьеч багьана табып болмасны къастын этебиз.

2 Коринфдегилеге 9:2

Кёмек этме сиз гьазир экенни мен билемен ва македониялыланы янында сизин булан макътанма да макътанаман. Агьаядагъылар шолай кёмек этмеге гетген йылокъ гьазир болгъанны ва сизин гьаракатыгъыз оланы да иш гёрмеге борчлу этгенни айтдым.