2 Коринфдегилеге 7:13 - Сыйлы Китап Янгы Разилешивню

¹³ Шо бизге маслагьат болду! Тек шо маслагьат булан да битип къалмай. Титни къуванчына биз кёп керенлер артыкъ сююндюк! Сиз барыгъыз да ону юрегине рагьатлыкъ салдыгъыз чы дагъы.

2 Коринфдегилеге 7:13 Referans Kwoze

2 Коринфдегилеге 7:6

Амма Аллагь янчылгъанлагъа гьар заман маслагьат эте. Шо вакъти бизин яныбызгъа Титни гелмеклиги булан О бизге маслагьат этди.

1 Коринфдегилеге 16:13

Сакъ болугъуз, иманыгъызда къатты кюйде туругъуз, тартынмагъыз ва гючлю болугъуз!

1 Коринфдегилеге 12:26

Бугъар гёре, эгер бир сан азап чеге буса, ону булан бирге оьзгелери де азап чеге. Бир сан гьюрметли болса, ондан къалгъан бары да санлар да сююне.

Румдагъылагъа 15:32

Шо заман, Аллагь буюрса, мен сизин яныгъызгъа сююнч булан гелип, сизин булан бирче рагьатланып болажакъман.

1 Петер 3:8

Ахырда да, барыгъыз да къыйышып яшап къалыгъыз, бир биригизни гёнгюгюзню алыгъыз, бир биригизни къардашлар йимик сююгюз, языкъсыныгъыз ва саламат болугъуз.

Филимонгъа 1:20

Шогъар гёре, къардашым, Раббибизни хатиринден бу яхшы ишни мени учун эт. Месигьге иман салгъан къардаш йимик, мени юрегимни рагьатландыр.

2 Тимофейге 1:16

Онесифорну уьюндегилерине Раббибиз Оьзюню рагьмусун гёрсетсин дагъы. Неге тюгюл де, о кёп керенлер мени юрегиме рагьатлыкъ салды ва мени бугъавланып сакъланагъанымдан илыкъмады.

Филиппадагъылагъа 2:28

Шо саялы да мен ону сизин яныгъызгъа йибермеге бек сюемен. Ону гёргенде, сизге къуванчыгъыз къайтып гележек ва мени башымдан бир къайгъы таяжакъ.

2 Коринфдегилеге 7:15

Гьали буса Тит оьзюне сиз тынглайгъан кююгюзню, нечик сиз оьзюн къоркъа, къартыллай туруп къабул этгенигизни эсге алагъанда, о гьакъ юрекден сизин яныгъызгъа багъып талпына.

2 Коринфдегилеге 2:13

Амма шонда иман къардашым Титни тапмагъаным саялы, юрегим рагьатлыкъ тапмады. Шогъар гёре, мен олар булан савболлашып, Македониягъа бармагъа деп ёлгъа тюшдюм.

2 Коринфдегилеге 2:3

Къайтып гелгенде, мени сююндюрме тарыкълар мени пашман этмесин деп, мен де о гьакъда яздым. Неге тюгюл де, мен сююнежек болсам, сиз де барыгъыз да сююнежегигизге инанаман.

Румдагъылагъа 12:15

Сююнегенлер булан бирче сююнюгюз, йылайгъанлар булан бирче йылагъыз.

1 Коринфдегилеге 16:18

Олар мени де, сизин де ругьларыбызны гётерди. Булайлар, гертилей де, макътавгъа лайыкълы.

2 Коринфдегилеге 7:14

Ону булангъы лакъырыбызда мен сизин макътадым ва шогъар бир де уялмайман. Биз сизин макътай туруп Титге айтгъан бары да затлар герти болуп чыкъды, шону булан бирге биз сизин гьакъыгъызда айтгъан бары да зат да.

Филимонгъа 1:7

Сен Аллагьны халкъын рагьатландырып турдунг. Шо саялы, къардашым, сени олагъа бакъгъан якъдагъы сюювюнг мени къувандырып ва ругьландырып тура.