2 Коринфдегилеге 12:10 - Сыйлы Китап Янгы Разилешивню

¹⁰ Месигьни хатири учун мен гючсюзлюгюме, мысгъыллавлагъа, башыма тюшген балагьлагъа, гьызарлавлагъа ва къыйынлыкълагъа рази болуп къаламан, неге тюгюл мен гючсюз болгъанда, гючлю боламан.

2 Коринфдегилеге 12:10 Referans Kwoze

2 Коринфдегилеге 12:9

Амма О магъа: «Сагъа янгыз Мени рагьмум герек. Сени гючсюзлюгюнгде Мени гючюм гёрюнсюн», – деп жавап берди. Шо саялы, Месигьни къудраты менде болсун учун, оьзюмню гючсюзлюгюм булан шолай сююнюп макътанаман.

Эфесдегилеге 6:10

Ахырда да, оьзюгюзню Раббибизни зор къудраты булан беклешдиригиз.

Румдагъылагъа 5:3

Янгыз муну булан да тюгюл, азап чегивюбюзден де оьктем болабыз. Неге тюгюл де, азап чегив чыдамлыкъгъа, чыдамлыкъ къаттылыкъгъа, къаттылыкъ буса умутгъа багъып гелтирегенни билебиз.

2 Коринфдегилеге 13:4

Месигьни, гертиден де, гючсюз вакътисинде хачгъа илди, амма О Аллагьны къудраты булан яшай. Биз де Месигь булан гючсюзбюз. Амма Ону булан бирликде яшайгъаныбызны себебинден арагъызда Аллагьны къудратын гёрсетежекбиз.

Якъуб 1:2

Къардашларым, сиз гьар тюрлю сынавлагъа тюшгенде, шону уллу къуванчлыкъгъа гьисаплагъыз.

2 Коринфдегилеге 6:4

Терсине, биз оьзюбюзню бары да затда Аллагьны къуллукъчулары йимик гёрсетебиз. Къыйынлыкъланы, тарчыкълыкъны, балагьланы, токъалавланы, туснакъланы, башгётеривлени, загьматланы, юхусуз гечелени, ачлыкъны чыдамлы кюйде башдан гечиребиз.

Элчилер 5:41

Исаны аты учун хорланмакълыкъгъа лайыкълы болгъанына сююнюп, элчилер оьр мажлисден чыгъып гетелер.

2 Коринфдегилеге 13:9

Биз гючсюз болуп, сиз буса гючлю болгъанда, сююнебиз. Сиз де камилликге етишсин деп, дуа этебиз.

2 Коринфдегилеге 1:4

Къайгъысы булангъылагъа биз маслагьат этип болсун деп, бары пашманлыкъларыбызда Аллагь бизге маслагьат эте. Аллагь бизге берген маслагьат этив булан биз олагъа да маслагьат этип болабыз.

Лукъа 6:22

Инсанны Уланы учун сизин адамлар гёрме сюймейгенде, сизин къувалайгъанда, сизин сёгюп, атыгъызны яманлайгъанда, сиз насиплилерсиз.

2 Коринфдегилеге 5:15

Яшайгъанлар оьзлер саялы тюгюл, оьлген ва оьлюмден тирилген Месигь саялы яшасын учун, Месигь бары да инсанлар учун оьлдю.

2 Коринфдегилеге 4:17

Неге тюгюл де, бизин енгил, аз заманлыкъ къыйналывубуз бизге зор, даимлик, бизин къыйналывубуздан оьлчевсюз артыкъ макътавлукъну гелтире.

Югьан 15:21

Бу затланы барын да сизге Мени якълагъаныгъыз саялы этежеклер, неге тюгюл олар Мени Йибергенни танымайлар.

1 Коринфдегилеге 4:10

Биз Месигь учун авлиябыз, сиз буса Месигь булан гьакъыллысыз! Биз гючсюзбюз, сиз буса гючлюсюз! Сиз абурлусуз, биз буса абурсузбуз.

Вагьий 2:3

Мени атымны макътап юрюгенинг саялы къыйынлыкълагъа тарыгъанынгны, амма бошап токътамагъанынгны Мен билемен.

2 Коринфдегилеге 10:18

Неге тюгюл де, оьз оьзюн макътайгъан адам тюгюл, оьзюн Раббибиз макътайгъан адам разилик алыр.

2 Салоникдегилеге 1:4

Башыгъызгъа тюшген гьызарлавларда, азапларда сиз гёрсетип турагъан чыдамлыкъны ва иманны гьакъында Исагъа иман салгъанланы бары да жыйынларында биз оьктемлик булан хабарлайбыз.

Филиппадагъылагъа 1:29

Сизге янгыз Месигьге иман салмакъ тюгюл, Ону учун азап чекмек де савгъат этилген.

Колосдагъылагъа 1:24

Магъа сизин учун азап чекмеге тюшгенге мен сююнемен. Месигьни къаркъарасы, демек Огъар иман салгъанланы жыйыны саялы азап чеге туруп, мен Ону къаркъарасы учун етишмейген затны толумлашдыраман.

2 Коринфдегилеге 7:4

Мен сизге бек инанаман ва сизин булан оьктем боламан! Магъа таман чакъы маслагьат этилген. Бары балагьларыбыз бар туруп да мен къуванчлыкъдан толуман.

2 Коринфдегилеге 4:5

Биз оьзюбюзню гьакъыбызда тюгюл чю, Иса Месигьни Раббибиз экенни гьакъында ва Иса учун сизин къуллукъчуларыгъыз экенибизни гьакъында билдиребиз.

2 Коринфдегилеге 5:20

Биз Месигьни вакиллерибиз ва бизден таба Аллагь инсанлагъа чакъырыв эте. Шогъар гёре биз сизге Месигьни атындан ялбарып тилейбиз: Аллагь булан ярашыгъыз.

2 Тимофейге 3:11

Антиокияда, Иконийде ва Листрада мени артымдан тюшген гьызарлавланы ва мен тарыгъан къыйынлыкъланы сен билесен. Бир гьызарлавлагъа тюшген эдим дагъы! Амма Аллагь оланы барындан да мени къутгъарды.