2 Коринфдегилеге 11:6 - Сыйлы Китап Янгы Разилешивню

⁶ Балики, мен сёйлемеге уста тюгюл бусам да ярай, амма мени билимим бар. Шону да биз сизге бары да затда тасдыкъ этип гёрсетдик.

2 Коринфдегилеге 11:6 Referans Kwoze

Эфесдегилеге 3:4

Бу кагъызымны охугъан заманда, магъа Месигьни сыры гертилей де ачыкъ болгъанны сиз англамагъа болажакъсыз.

2 Коринфдегилеге 4:2

Биз илыкълыгъы себепли болуп яшырылгъан бары да ишлени гери урабыз. Ялгъан айтмайбыз ва Аллагьны каламын къалплашдырмайбыз. Терсине, Аллагьны алдында биз гьакъ гертиликни билдиребиз. Бизин инсанлардан яшырылгъан гьеч затыбыз ёкъ.

1 Коринфдегилеге 1:17

Мени Месигь, башгъаланы сувгъа чомуп, Оьзюне тапшурма тюгюл чю, Сююнч Хабарны билдирмеге йиберди. Месигьни хачы къудратдан магьрюм къалмасын учун, инсанны гьакъылыны тили гери уруп, шо Сююнч Хабарны билдиремен.

1 Коринфдегилеге 1:21

Аллагьны гьакъыллылыгъыны себебинден дюнья оьзюню гьакъыллылыгъы булан Аллагьгъа тюшюнмеген. Шо саялы да Аллагь биз билдиреген уьйретивню «авлиялыгъына» инанагъанланы къутгъармакъ учун сайлагъан.

2 Коринфдегилеге 12:12

Мен элчи экенни гёрсетеген муъжизатланы, аламатланы ва гьайран ишлени кёбюсю сизин арагъызда уллу чыдамлыкъ булан этиле эди.

2 Коринфдегилеге 10:10

Бир биревлер: «Ону кагъызлары гючлю, бетге бет ёлукъгъанда, гючсюз гёрюне, сёйлейген сёзлерини таъсири де аз», – деп сёйлейлер.

2 Коринфдегилеге 5:11

Биз Раббибизден къоркъагъаныбыз саялы, гьакъ гертиликге инансын деп, инсанланы да мюкюр этме къарайбыз. Биз ким экенибиз Аллагьгъа белгили, шо сизге де белгилидир деп умут этемен.

1 Коринфдегилеге 2:13

Аллагьны Ругьу булангъылагъа ругь булан байлавлу затланы англатабыз. Буланы биз инсанны гьакъылы уьйретген сёзлер булан тюгюл, Аллагьны Ругьу уьйретген сёзлер булан сёйлейбиз.

2 Коринфдегилеге 7:2

Бизге юреклеригизни ачыгъыз! Биз биревню де хатирин къалдырмадыкъ, биревге де яманлыкъ этмедик, биревден де оьзюбюз учун пайда ахтармадыкъ.

1 Коринфдегилеге 12:8

Аллагьны Ругьу бирине гьакъыллы сёзлени, башгъасына буса билимли сёзлени бере.

2 Коринфдегилеге 6:6

Дагъы да таза юрек, англав, сабурлукъ, рагьму, Аллагьны Ругьу ва таза сююв, Аллагьны къудраты, гьакъ гертиликни сёзю булан гёрсетебиз. Биз онг къолубузгъа да, сол къолубузгъа да муъминликни савутун тутабыз.