1 Салоникдегилеге 5:3 - Сыйлы Китап Янгы Разилешивню

³ Инсанлар: «Парахатбыз ва аманбыз», – деп сёйлеп турагъанда, яш табагъан къатын хапарсыздан, заманы етип авруйгъанда йимик, олагъа да шолай хапарсыздан балагь гелип къалажакъ. Шо заман оланы бириси де ондан къачып къутулмажакъ.

1 Салоникдегилеге 5:3 Referans Kwoze

Ягьудилеге 2:3

Биз шолай уллу къутгъарылывгъа агьамият бермей бусакъ, жазадан нечик къутулмагъа болурбуз? Шону чу Раббибиз билдирди ва шону Ондан эшитгенлер бизге гертиледилер.

2 Салоникдегилеге 1:9

Олар Раббибизден, Ону зор къудратындан даимге айрылып, даим жазаланып туражакъ.

2 Петер 2:4

Аллагь гюнагь иш этген малайиклеге де рагьму этмеди. Оланы О жагьаннемге салгъан ва къыяматгюн болгъунчагъа даимлик къарангылыкъны бугъавларында къойгъан.

Элчилер 13:41

Олар буса булай дегенлер: Тынглагъыз, гьей мысгъыллавчулар! Тамашалыкъ этип, лагь болугъуз! Мен сиз яшайгъан заманда, оьзюгюз инанмас йимик бир иш этежекмен. Шо ишни гьакъында сизге хабарласа да, сиз бир заманда да инанмажакъсыз.

Ягьудилеге 12:23

Сиз оьзлени атлары кёклерде язылгъан Аллагьны башлап тувгъан авлетлерини жыйынына гелдигиз. Сиз бары да адамланы Дуванчысы болгъан Аллагьгъа ва камилликге етишген муъминлени ругьларына багъып да гелдигиз.

Маттай 23:33

Гьей йыланлар, йыланны наслусу! Сиз къыяматгюнден ва жагьаннемни азабындан нечик къутулар экенсиз?

Югьан 16:21

Заманы етип, къатынгиши яш табагъанда азап чеге. Амма яш тувгъан сонг, дюньягъа янгы адам тувуп гелди деп сююнюп, о чекген азабын унута.