1 Салоникдегилеге 4:1 - Сыйлы Китап Янгы Разилешивню

¹ Ахырда да, къардашлар, Аллагь рази къалсын учун, сиз бизден оьзюгюзге тарыкълы кюйде яшамагъа уьйрендигиз. Сиз шолай яшап да турасыз. Сиз дагъы да яхшы яшама къаст этсин деп, биз де Раббибиз Исаны хатири учун сизге тилейбиз, ялбарабыз.

1 Салоникдегилеге 4:1 Referans Kwoze

Колосдагъылагъа 1:10

Сиз Раббибизге лайыкълы болгъан яшав булан яшасын деп, гьар бир ишигизде О ушатагъан кюйде иш гёрсюн деп, гьар рагьмулу ишде сизин загьматыгъыз натижа берсин деп, сизин Аллагьгъа тюшюнювюгюз артсын деп, биз дуа этебиз.

2 Салоникдегилеге 1:3

Къардашлар, сизин учун биз гьар заман Аллагьгъа шюкюр этмеге герекбиз. Шо тийишли де дюр, неге тюгюл сизин иманыгъыз даим арта ва бир биригизге бакъгъан сюювюгюз токътавсуз гючлене.

2 Петер 3:18

Раббибиз ва Къутгъарывчубуз болгъан Иса Месигьни рагьмусу ва Ону гьакъындагъы англавугъуз артып къалсын. Гьали де, гьар даим де Огъар макътавлар болсун! Амин.

Ягьудилеге 13:16

Бирев биревге кёмек этме ва башгъалагъа пай чыгъарма унутуп къалмагъыз. Аллагь шолай къурбанланы сюе.

Филиппадагъылагъа 1:9

Гертиден де агьамиятлы затны сайлап болсун учун, билимигиз ва англавугъуз булан сизин сюювюгюз даим де арта турсун деп мен дуа этемен. Шо заман, Месигь къайтып гележек гюн, сиз таза ва айыпсыз болажакъсыз.

1 Салоникдегилеге 3:12

Бизин сизге бакъгъан сюювюбюз йимик, Раббибиз сизин бир биригизге де, бары да инсанлагъа да бакъгъан сююв булан толтурсун!

Филиппадагъылагъа 3:14

Мен окъдай болуп мурадыма багъып – савгъат алмакъ учун учаман. Шо савгъат буса Иса Месигьден таба Аллагь бизин Оьзюне багъып чакъыргъан даимлик яшавдур.

1 Югьан 3:22

Не зат тилесек де, Аллагьдан аларбыз, неге тюгюл биз Ону буйрукъларын кютебиз ва О сюеген ишлени этебиз.

Эфесдегилеге 4:1

Мен, Раббибизге къуллукъ этегеним саялы туснакъгъа тюшген Павел, тилеймен сизге: Аллагь сизге этген чакъырывгъа лайыкълы яшав булан яшагъыз.

2 Коринфдегилеге 13:11

Ахырда да, къардашларым, къуванып къалыгъыз, камилликге етишмеге къаст этигиз, бир биригизни гёнгюгюзню алыгъыз, бир гьасилге гелигиз, парахатлыкъда яшап къалыгъыз. Шо заман сююв ва парахатлыкъ гелтиреген Аллагь сизин булан болур!

1 Коринфдегилеге 15:58

Булайлыкъда, гьей сююмлю къардашларым, Раббибизни ёлунда къатты кюйде токътагъыз. Оьзюгюзню даим Раббибизге къуллукъ этивге толу кюйде багъышлагъыз, неге тюгюл сиз О учун тёкген къыйыныгъыз бошуна гетмежегин билесиз.

2 Салоникдегилеге 3:1

Ахырда, къардашлар, Раббибизни гьакъындагъы хабар сизин арагъызда йимик яйылсын учун, огъар гьюрмет этилсин учун, бизин учун дуа этигиз.

2 Салоникдегилеге 2:1

Гьали буса Раббибиз Иса Месигьни къайтып гелмеклигини ва биз Ону къаршылама нечик жыйылажагъыбызны гьакъында айтайыкъ. Биз тилейбиз сизге, къардашлар, адашып, адап къалмагъыз! Эгер де ким буса да бирев биз Аллагьны атындан таба сёйлей эди, Раббибиз къайтып гелеген гюн етишди деп неде уьйрете эди, неде кагъыз яза эди деп билдире буса, огъар инанмагъыз.

Колосдагъылагъа 2:6

Сиз Иса Месигь Рабби экенни къабул этдигиз, шо саялы Ону булан биригип яшап къалыгъыз.

Филиппадагъылагъа 1:27

Аслусу – Месигьни гьакъындагъы Сююнч Хабаргъа лайыкълы болуп яшап къалыгъыз! Барыгъыз да бир болуп, Сююнч Хабарда айтылгъан иманны якълай туруп, бир душманыгъызгъа да оьзюгюзню къоркъутмагъа къоймайгъан кюйде яшап къалыгъыз. Шолай яшав олар учун оьлюмню белгиси, сизин учун буса къутгъарылывну белгиси болуп токътажакъ. О да Аллагьдан гелеген затдыр.

Югьан 15:2

О Мени емиш бермейген бутакъларымны гесе. Дагъы да артыкъ емиш берсин деп, емиш берегенлерин де бутап тазалай.

1 Салоникдегилеге 4:2

Раббибиз Исаны атындан биз сизге нечик насигьатлар бергенибиз сизин эсигиздедир.

2 Коринфдегилеге 5:9

Биз Ону булан бусакъ да яда дюньядагъы къаркъарабызда яшап тура бусакъ да, бары да затдан артыкъ Огъар ярама сюебиз.

Румдагъылагъа 8:8

Шогъар гёре гюнагьлы табиаты айтгъанны этип яшайгъанлар Аллагьны рази этип болмаслар.

Ягьудилеге 13:22

Къардашлар, сизге бек тилеймен: бу къысгъаракъ кагъызымда мен береген насигьатлагъа тынглагъыз.

Ягьудилеге 11:6

Иман ёкъ буса, Аллагь рази къалмас. Неге тюгюл де, Аллагьны янына гелеген гьар ким Ону барлыгъына ва О да Оьзюн гьакъ юрекден ахтарагъанлагъа рагьмусун гёрсетежегине инанмагъа герек.

Эфесдегилеге 5:17

Англавсуз болмагъыз, Раббибиз не зат сюегенни англамагъа къаст этигиз.

Эфесдегилеге 4:20

Тек Месигьни гьакъында сиз о затны тюгюл билгенигиз.

2 Коринфдегилеге 10:1

Мен, сизин булан болгъанда, тартынагъан ва сизден арекде болгъанда, тартынмайгъан Павел, Месигьникидей рагьму ва йымышакълыкъ булан сизге ялбараман.

2 Коринфдегилеге 6:1

Биз, Аллагь булан бирликде чалышагъанлар, сизге тилейбиз: сизге савгъат гьисапда берилген Аллагьны зор яхшылыгъы негьакъ болуп къалмасын.

1 Коринфдегилеге 15:1

Къардашларым, сизге мен билдирген, сиз оьзюн кюрчю гьисапда къабул этген Сююнч Хабарны бирдагъы керен эсигизге салмагъа сюемен.

1 Коринфдегилеге 11:23

Мен сизге берген затны оьзю Раббибизден алдым. Оьзюне хыянатлыкъ этилген гече Раббибиз Иса экмекни де алып,

Элчилер 20:27

Неге тюгюл де, Аллагь сюегенни мен сизге гьеч бир де тартынмай билдирдим.

2 Тимофейге 4:1

Аллагьны, савлагъа ва оьлюлеге дуван этежек Иса Месигьни алдында Ону геливю ва гьакимлигини токъташдырылыву булан сагъа буюраман:

1 Тимофейге 5:21

Аллагьны, Иса Месигьни ва О танглагъан малайиклени алдында сагъа бары да затда шо насигьатлагъа гёре юрюме бувараман. Гьеч биревню биревден артыкъ гёрме ва гьеч биревге ян тартма.

Галатиядагъылагъа 6:1

Къардашлар, эгер бирев гюнагь иш эте туруп тутулса, ону сиз аривлюк булан тюз ёлгъа салыгъыз, неге тюгюл сиз Аллагьны Ругьуна берилген адамларсыз. Вёрегиз, сиз оьзюгюз де гюнагьгъа тюшюп къалардан сакъ болугъуз.

1 Салоникдегилеге 5:12

Къардашлар, бизин сизге бир тилевюбюз бар: сизге башчылыкъ этип ва насигьатлар берип, сизин арагъызда загьмат тёгегенлеге гьюрмет этигиз.

2 Салоникдегилеге 3:13

Сиз буса, иман къардашлар, тийишли затны токътавсуз этип туругъуз.