1 Петер 4:8 - Сыйлы Китап Янгы Разилешивню

⁸ Бары да затдан алда бир биригизни гьакъ юрекден къайнар кюйде сююп туругъуз. Неге десегиз, сююв кёп гюнагьлардан къутгъара.

1 Петер 4:8 Referans Kwoze

Колосдагъылагъа 3:14

Шо «опуракъланы» уьстюнден бары да затны камиллешдирип бирлешдиреген сюювню де гийигиз.

1 Петер 1:22

Гьакъ гертиликге тынглап, гюнагьлардан тазаланып, сиз иман къардашларыгъызгъа бакъгъан якъдагъы бетгёрдючюлюксюз сюювге етишдигиз. Энниден сонг да бир биригизни гьакъ юрекден къайнар кюйде сююп туругъуз.

Якъуб 5:20

Гюнагьлыны терс ёлдан къайтарып, гьакъ герти ёлгъа салгъан адам ону оьлюмден къутгъарагъанын ва кёп гюнагьлары гечилегенин билип къойсун.

1 Коринфдегилеге 13:1

Эгер мен инсанланы ва малайиклени тиллеринде сёйлеп, сюювюм ёкъ буса, зангырагъан ез къонгуравдан ва оькюреген къомуздан бир башгъалыгъым да ёкъдур.

1 Салоникдегилеге 3:12

Бизин сизге бакъгъан сюювюбюз йимик, Раббибиз сизин бир биригизге де, бары да инсанлагъа да бакъгъан сююв булан толтурсун!

Ягьудилеге 13:1

Бир биригизни иман къардашлар йимик сююгюз.

1 Тимофейге 1:5

Таза юрекден гелеген сююв, герти намус ва гьакъ юрекли иман – бу буйрукъну мурады.

2 Салоникдегилеге 1:3

Къардашлар, сизин учун биз гьар заман Аллагьгъа шюкюр этмеге герекбиз. Шо тийишли де дюр, неге тюгюл сизин иманыгъыз даим арта ва бир биригизге бакъгъан сюювюгюз токътавсуз гючлене.

3 Югьан 1:2

Сююмлю къурдашым! Сени юрегинг парахатлыкъда болгъаны йимик, гьар затда да сен уьстюнлюк, савлукъ булан болсун деп дуа этемен.

Якъуб 5:12

Инг башлап, къардашларым, ант этмегиз! Не кёклер булан, не ер булан, не башгъа зат булан ант этмегиз. Аллагь сизин такъсырламасын учун, дюр буса «дюр» дегиз, тюгюл буса «тюгюл» дегиз.

1 Коринфдегилеге 13:4

Сююв чыдамлы, сююв рагьмулу. Сююв гюллемес, макътанмас, оьктем болмас.