Luke 9:16 - Kadu

¹⁶ စီးမှါခ့်ခါ ကိုယ်တော်ကား ပေါင်မုန့်ဟာဟုပ်ယောက် တာန်းငှါကလိန်းနူတေ လာဘန်းနာ ဟမုခ်ပါ မှန်းသဘန်း ဘုရားရှာန်ဘင်း ဂုဏ်တော်ဒေ ကျယ်ဘန်းဆုစိန်ရာန်ဘန်း ဟိန်တဟူးယောက် ပေါင်မုန့်ယောက်တာန်းငှါတေ စဲဘန်း တပယ့်တာတ်ခက်တစ်ဆာန့် သမီဆာတာတ်တေမံအီမှာ။

Luke 9:16 Referans Kwoze

Luke 24:30

ယုတ်တင် စားပွဲဝိုင်းဘေထုံန်းမှါခ့်ခါ ကိုယ်တော်ကား ပေါင်မုန့်တေငါတ်ပန်း ဘုရားဂုဏ်တေဒေချီးမွမ်းသကြီးမှာ။ ပေါင်မုန့်တေလပိုက်ပန်း အန်တာတ်နင်းအီရာန်မှာ။

Luke 22:19

မုန့်တေလာဘန်း ဘုရားရှာန်ဘင်း ဂုဏ်တော်တေချီးမွမ်းသဘန်း မုန့်တေလပိုက်ဘန်း တပယ့်တော်တာတ်နင်းအီဘန်း "အဘင်းမုန့်ကား ဟနိမ်နင်းအီဘင်း ငါလာန်ထှာမှာ။ ငါတေဆတီးလူဘင်းအနေယောက် ယုတ်ကြီး" ညယ်မိန့်တော်မူသမှာ။

Luke 9:15

တပယ့်တော်တာတ်ရီးဒါး အန်ဘင်းနည်းအတိုင်း သမီဆတာတ်တေ ထုံးစိန်းယုတ်မှာ။

Luke 9:17

သမီဆာတာတ်အားလုံးကား ကျဲကွန်းယုတ်စီးဘင်းအပြာန် အန်တာတ်ယုတ်စီးဘင်းနာတေဒေ ကွန်နာန်မှါခ့်ခါ ကုန်ဟာန်းရှစ်နူဘန်း ကလိန်းဟုတ် ပြန်သဘန်းလူဟာန်းမှာ။