Luke 9:51 - Karen Paku

⁵¹ မုၢ်နံၤမုၢ်သီတလိၣ်ဘူးထီၣ်လိ ယ့ၣ်ရှူးကဘၣ်တၢ်စိၤထီၣ်အီၤလိ မွိခွိၣ်နဲၢ်, အဝဲဒၣ်ပၤလီၤအသးမါတ့ကျ့. ဘျီး လဲၤဝဲဒၣ်လိ ဝ့ၢ်ယရူးရှလ့ၣ်လိ.

Luke 9:51 Referans Kwoze

Luke 18:31

ယ့ၣ်ရှူးကိးနဲၢ်ထဲတၢ်မၢဖွိတဆ့ခံဂၤကစုၣ်ဒုၣ်ဘျီးစံးဘၣ်အဝဲဝီၤ, ‘ကနၣ်တကဲၢ်. ပကလဲၤပဝဲလိ ဝ့ၢ်ယရူၤရှလ့ၣ်ဖဲကယဲၢ်တၢ်တမံၤလၢ်လၢ်လိ ဝံတလိၣ်အတၢ်ကွ့းဝဲလိပှၤကညီဖွိခွါ အဂ့ၢ်နဲၢ်ကလိထီၣ်ပှဲၤထီၣ်ဝဲလိ.

Luke 13:22

ယ့ၣ်ရှူးလဲၤတၢ်လိဝ့ၢ်ယရူၤရှလ့ၣ်အကျဲၣ်နဲၢ်, အဝဲလဲၤခီဂၤဝ့ၢ်တလိၣ်လါသဝီတလိၣ်, ဘျီး သိၣ်လီၤသီလီၤတၢ်လိ.

Luke 17:11

ဖဲယ့ၣ်ရှူးလဲၤဝဲလိ ဝ့ၢ်ယရူၤရှလ့ၣ်နဲၢ်, အဝဲဒၣ်လဲၤကျဲၣ်လိ အခီဂၤကီၢ်ရှၤမရံလါကီၢ်ကၤလံၤလါအကီၢ်ဆၢနဲၢ်လိ.

Luke 24:51

အဝဲဆိၣ်ဂ့ၤအဝဲဝီၤအဖၢမုၢ်နဲၢ်, အဝဲဒၣ်သူးယ့ၤထီၣ်အသးလါ အဝဲဝီၤ, ဘျီး ဘၣ်တၢ်စိၤထီၣ်အီၤလိမွိခွိၣ်လိ.

Luke 19:28

ယ့ၣ်ရှူးစံးကတိၤတၢ်အံၤဝံၤဘျီး လဲၤဆိဝဲလိ ဝ့ၢ်ယရူရှလ့ၣ်လိ အဝဲဝီၤအမံၤညါလိ.

Luke 19:11

ဟဲဘၠီၣ်ထီဖူၣ်ထီခၠၢတလိၣ်ကနၣ်တၢ်ကတိၤအဝဲအံၤနဲၢ်, ယ့ၣ်ရှူးကတိၤ, ဘျီးစံးဘၣ်အဝဲဝီၤလိ တၢ်ကတိၤဒိတထ့ၣ်လိ. ဖဲဆၢကတီၢ်အဝဲအံၤနဲၢ်, အဝဲဒၣ်လဲၤဘူးကတုၤဘၣ်နီၢ်အသးလိ ဝ့ၢ်ယရူၤရှလ့ၣ်ဘျီး အဝဲဝီၤဆိကမိၣ်ဝဲလိ ကစၢ်ယွၤအဘီအမုၢ်ကအိၣ်ဖျါထီၣ်ဝဲခဲအံၤနဲၢ်လိ.

Luke 12:50

တၢ်ဒိးဘျၢတမံၤလိ ယကဘၣ်ဒိးဘျၢယသးနဲၢ်အိၣ်ဝဲ, ဘျီးတချုးဒံးလိ ယဒိးယဲနဲၢ်ယသးဘၣ်ကွိၢ်ဘၣ်ဂီၤဝဲထဲလဲၣ်ခိနဲၢ်လဲၣ်.

Luke 9:57

ဖဲအဝဲဝီၤလဲၤတၢ်လိ ကျဲၣ်နဲၢ်, ဘၠီၣ်တဂၤစံးဘၣ်ယ့ၣ်ရှူး, ‘ဖဲနလဲၤတပူၤဂ့ၤတပူၤဂ့ၤနဲၢ် ယကပိၤနခံဘျီးကဲၣ်ထီၣ်နခံနပှၤလိ.’