Luke 9:18 - Karen Paku

¹⁸ ဘၣ်တနံၤဖဲ ယ့ၣ်ရှူးဃ့ဘါထုကဖၣ်တၢ်ထဲ တဂၤဧိၤအဆၢကတီၢ်နဲၢ်, အခ့အပှၤတလိၣ် ဟဲလိ အအိၣ်လိ. အဝဲဒၣ်သ့းကွၢ်အဝဲဝီၤ, ‘ဘၠီၣ်ထီဖူၣ်ထီခၠၢတလိၣ် စံးလိ ယမဲၢ်မတဂၤလဲၣ်.’

Luke 9:18 Referans Kwoze

Luke 11:1

ဘၣ်တနံၤနဲၢ်, ယ့ၣ်ရှူးဃ့ဘါထုကဖၣ်တၢ်ဖဲတၢ်လီၢ်တတီၤလိ. ဖဲအဝဲဒၣ်အတၢ်ထုကဖၣ်ကတၢၢ်နဲၢ်, အဝဲအခ့အပှၤအကျၣ်တဂၤစံးဘၣ်အီၤ, ‘ကစၢ်ဧိ, သိၣ်လိဘၠီၣ်လိ ပကဃ့ဘါထုကဖၣ်တၢ်, ဒ်စီၤယိၤဟၣ်သိၣ်လိ အခ့အပှၤတလိၣ်အသိးနဲၢ်တကဲၢ်.’

Luke 3:21

ဘၠီၣ်ထီဖူၣ်ထီခၠၢ ဘၣ်တၢ်ဘျၢအီၤလိထံဝံၤအလီၢ်ခံနဲၢ်, ယ့ၣ်ရှူးနဲၢ်နဲၢ်ဘၣ်တၢ်ဘျၢအီၤလိထံနဲၢ်လိ. ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်နဲၢ်, မွိခွိၣ်အွိးထီၣ်အသး.

Luke 6:12

တၢ်ဆၢကတီၢ်အဝဲနံၤ, ယ့ၣ်ရှူးလဲၤထီၣ်လိ တၢ်လုၢ်တလုၢ် အလိၤဒ်သိး အကဃ့ဘါထုကဖၣ်တၢ်အဂီၢ်ဘျီး ဘါထုကဖၣ်တၢ်လိယွၤထီနၤနဲၢ်လိ.

Luke 9:19

အဝဲဝီၤစံးဆၢဝဲ, ‘ဘၠီၣ်တနီၤစံးလိ နမဲၢ်ဘၠီၣ်ဘျၢတၢ်စီၤယိၤဟၣ်, တနီၤစံးလိ နမဲၢ်စီၤအ့ၤလံယၤ, ဘျီး အဂၤတနီၤစံးလိ နမဲၢ်ဝံလိ ပျၢၤအကျၣ်တဂၤလိ အဂ့ၤထ့ထီၣ်က့ၤဝဲနဲၢ်လိ.

Luke 9:28

ယ့ၣ်ရှူးစံးကတိၤတၢ်တလိၣ်အံၤဝံၤ အလီၢ်ခံကဘၣ်တနွံနဲၢ်, အဝဲဒၣ် ကိးစီၤပ့းတရူး, စီၤယိၤဟၣ်ဘျီး စီၤယၤကိာ်တလိၣ်လါလဲၤထီၣ်လိ တၢ်လုၢ်တဖျၢၣ်အလိၤဒ်သိး အကဃ့ဘါထုကဖၣ်တၢ်လိ.

Luke 9:29

ဖဲအဝဲဒၣ် ဃ့ဘါထုကဖၣ်အဖၢမုၢ်နဲၢ် အမံၤအသၣ်အက့ၢ်အဂီၤလဲလွိၤအသးဘျီး အကူအသိတလိၣ်ဝၣ်ထီၣ်ဘျီး ကပြုၢ်ကပြီၤမးလိ.