Luke 8:24 - Karen Paku

²⁴ အခ့အပှၤတလိၣ် လဲၤလိ ယ့ၣ်ရှူးအအိၣ်ဘျီး ကိးဂ့ၤထ့အီၤဘျီး စံးဝဲ, ‘ကစၢ်ဧၢ, ကစၢ်ဧၢ ပကသံလိ.’ ယ့ၣ်ရှူးဂ့ၤထ့ဘျီးမၢလီၤအကလုၢ်လိ ကလံၤလါလပီတလိၣ်အလိၤ, အဝဲဝီၤအိၣ်ဘှ့ၣ်ဂ့ၤဝဲဘျီး အိၣ်ဂ့ၤဝဲ ဂၢၢ်တပၢၢ်လိ.

Luke 8:24 Referans Kwoze

Luke 4:39

အဝဲဒၣ်လဲၤဝဲဘျီး ဆ့ထၢၣ်ဝဲဖဲဘၠီၣ်မ့ၣ်ပှၢ်နဲၢ်အလီၢ်မံကပၤဘျီး မၢလီၤ အကလုၢ်ဒ်သိး တၢ်ကွိၢ်နဲၢ်လီၤဝဲ တဘျီဃီလိ. ဘျီးအဝဲဒၣ်ဂ့ၤထ့တဘျီဃီဘျီး ဒွိးအီၣ်ဒွိအိအဝဲဝီၤလိ.

Luke 5:5

စီၤရှံမိၣ်2စံးဆၢဝဲ, ‘ကစၢ်ဧၢ ပမၤပၤစၢၤလ့ထီနၤဘျီး ပတဖီၣ်န့ၢ်တၢ်နီတမံၤဘၣ်, လၢၤဘျီး, နမဲၢ်စံးဒ့းန့ၤဘျီး ယကပၤလီၤတွံၢ်တလိၣ်လိ.’

Luke 4:35

ယ့ၣ်ရှူးမၢလီၤအကလုၢ်ဘျီးစံးဘၣ်တၢ်နါနဲၢ်, ‘အိၣ်ကစုၣ်ဒၣ်ဘျီးဟးထီၣ်ကွံၤလိ ဘၠီၣ်တဂၤနဲၢ်အပူၤတကဲၢ်.’ တၢ်နါကွံၤလီၤဘၠီၣ်တဂၤနဲၢ်လိ အဝဲဝီၤတလိၣ် အမံၤညါဘျီးဟးထီၣ်ကွံၤလိ အဝဲဒၣ်အပူၤ, တအိၣ်လါ တၢ်မၤဘၣ်ဒွိဘၣ်ထံးအီၤနီတမံၤဘၣ်.

Luke 8:25

တုၤနုၤတဘျီး အဝဲဒၣ်စံးဘၣ်အခ့အပှၤတလိၣ်, ‘သုတၢ်စူၤတၢ်နၤအိၣ်ဖဲလဲၣ်ခိ.’ လၢၤဘျီးအဝဲဝီၤ ကမၢကမၣ်ဘျီး သးပလံၤတၢ်ဘျီး စံးလိၤအသးတဂၤလါတဂၤ, ‘ဘၠီၣ်တဂၤအံၤမဲၢ်မတဂၤလဲၣ်. အဝဲဒၣ်မၢလီၤအကလုၢ်လိ ကလ့ၤလါလပီတလိၣ်အလိၤ. ဘျီး အဝဲဝီၤကနၣ်အကလုၢ်နီၢ်လိ.’