Luke 19:8 - Karen Paku

⁸ စီၤစးဃဲဂ့ထ့ဘျီး စံးဘၣ်ကစၢ်, ‘ကနၣ်တကဲၢ်, ကစၢ်ဧိ, ယတၢ်စုၣ်လီၢ်ခီၣ်ခွိၣ်လိ အအိၣ်လါယၤတဝၣ်နဲၢ် ယကဟ့လီၤဝဲလိ ဘၠီၣ်ဖှီၣ်ဘၠီၣ်ယၤအအိၣ်လိ. ဘျီးယမဲၢ်အီၣ်ကဘျံးကဘျၣ်ဘၠီၣ်တဂၤဂၤအတၢ်ဖွိတၢ်လ့ၤနဲၢ်, ယကဟ့ခွိၣ်ခံအီၤလွံၢ်စးလိ.’

Luke 19:8 Referans Kwoze

Luke 12:33

ဆါကွံၤ သုတၢ်ဖွိတၢ်လံၤတလိၣ်ဘျီး ဟ့တၢ်မၤဘူၣ်လိ ဘၠီၣ်ဖှီၣ်ဖွိယၤဖွိတကဲၢ်. မၤနဲၢ်လိသုဂီၢ်စ့ၣ်အထၢၣ်လိ အယၤကွံၤတသ့းဘၣ်တလိၣ်, ဘျီး ပၤဖှိၣ်သုတၢ်ထူးတၢ်တီၤလိ မွိခွိၣ်, ဖဲအဝဲဝီၤ တစှၤလီၤနီတဘျီဘၣ် အလီၢ်နဲၢ်တကဲၢ်. တၢ်ဂ့ၢ်မဲၢ်လိ တၢ်ဘျၣ်ဟုၣ်အီၤတန့ၢ်ဘျီး တၢ်ဖွိဃၢ်မၤဟးဂီၤကွံၤအီၤတသ့းဘၣ်အဃိနဲၢ်လိ.

Luke 16:9

ဘျီး ယ့ၣ်ရှူးကတိၤတၢ်ဘျီး စံးဝဲ, ‘ ဘျီးလိ တၢ်နံၤအဃိ ယစံးဘၣ်သု, ဒ်သိးသုကမၤန့ၢ် သုမံဖီၣ်အဂီၢ်, သူဟီၣ်ခွိၣ်အတၢ်အိၣ်တၢ်ယၢၤ, ဘျီး တုၤအလုၤကွံၤဘျီး သုကဘၣ်တၢ်တူၤလိၤခီၣ်ဆၢသုလိဟံၣ်အထူအယိၣ်နဲၢ်တကဲၢ်.

Luke 11:41

မဲၢ်မဲၢ်, ဟ့ဘၠီၣ်ဖှီၣ်ဖွိယၤဖွိတလိၣ်တၢ်အိၣ်လိ သုလ့ခီတလိၣ်အပူၤ နဲၢ်တကဲၢ်. ဘျီးတၢ်ခဲလုၤခဲဆ့ကကဆှီၣ်ဝဲလိ သုဂီၢ်လိ.

Luke 7:13

ကစၢ်ထ့ၣ်ဘၠီၣ်မ့ၣ်ပှၢ်အဝဲနဲၢ် အဝဲဒၣ်အသးပူၤ ပှၤလါတၢ်သးဘၣ်ဃဲၤဘၣ်အီၤ, ဘျီးစံးဘၣ် ဘၠီၣ်မ့ၣ်ပှၢ်နဲၢ်, ‘တဘၣ်ဟီၣ်တဂ့ၤ.’

Luke 7:19

ဘျီးခၠၢအီၤလိ ကစၢ်အအိၣ်ဒ်သိး အကသ့းကွၢ်အီၤ, ‘နမဲၢ်ဘၠီၣ်တဂၤလိ စီၤယိၤဟၣ်စံးလိ အကဟဲနဲၢ်ဧါ.မဲၢ်တမဲၢ်ဘၣ်ဘျီး မဲၢ်ပဘၣ်အိၣ်ခိးကွိၤသး ဘၠီၣ်တဂၤဒၣ်ဒ်ဧါ.

Luke 19:7

ဘၠီၣ်ထီဖူၣ်ထီခၠၢလိအထ့ၣ်ဘၣ်တၢ်မၤအသးတမံၤအံၤ ခဲလုၤကဒူးကဒ့ၣ်နီၢ်တၢ်ဘျီး စံးဝဲ, ‘ဘၠီၣ်တဂၤအံၤလဲၤကဲၣ်လ့ပှၤတမှံၤလိဘၠီၣ်တၢ်ဒဲးဘးဖွိတဂၤအဟံၣ်လ့.’