Mateo 27:22 - Na Ukud Apudyus

²² Ad inimus ako Pilato an chicha, “Ad sinu kon oyyoò an Jesus wi ananchay Cristu wi impaalin Apudyus?” Ad losancha anan, “Ilansayù siya ta kros!”

Mateo 27:22 Referans Kwoze

Apostoles 13:38

Susunud, maawatanyu kuman anna: kapu ta iningwan Jesus, mafalin wi pakawanon Apudyus na fasurtau. Siyan aagkammuwonyuna, nu patiyonyù Jesus, aanonan fasuryu. Uray patkonyun Lintog Moses, foon pù sachin mangaan ta fasuryu.

Marcos 14:55

Chachi pangpangun na papachi ya losani kukunsisar, nan-anapchà ipafasurchan Jesus ta awad lasunchay mamatoy an siya, ngim maid pu inchasancha.

Mateo 27:17

Siyan naarus pun na takuy ad-adchuwan, inimus Pilato an chicha anani, “Sinun pionyù iparufus-u, Jesus Barrabas winnu Jesus wi ananchay Cristu?”

Mateo 27:21

Ngim inimus Pilato an chicha, “Sinun pionyuy iparufus-u ta annay chuwa?” Ad losancha anan, “Barrabas!”

Mateo 27:23

Ad anan ako Pilato, “Tamako? Sinun iningwanay lawing à milansaana ta kros?” Ngim chinakorcha impauy anani, “Ilansayù siya ta kros!”

Juan 4:25

Sachi ad anan na fufai, “Akammù wi à tapin na padcha, umalin sachi impustan Apudyus wi ipaalina, wi ananchay Cristu. Ad à siya, itudtuchunan losani maid akammutau.”

Apostoles 13:28

Uray maid pun inchasanchà arwingan Jesus, impapilitchan Pilato impapatoy à siya.