Mateo 13:15 - Na Ukud Apudyus

¹⁵ Tan na anchanayay taku, nar-us tummangkin na urucha, ad isù tinumranchan ingacha ya kinikimitchan atacha. Tan nu foon pù amaschiyoncha, mafalini chongronchan ifakà ya ilanchan ipailà, ya mafalini maawatancha kon ustu, ad siyan kapilitani mansakungchan saon ta pakawanò na fasurcha.’

Mateo 13:15 Referans Kwoze

Marcos 4:12

‘Uray iillancha, achicha pu ilasin. Ya uray chochongroncha, achicha pu maawatan. Tan nu anaponcha ta maawatancha, mansakungchan Apudyus, ad pakawanona chicha.’”

Hebreo 5:11

Achun piò wi ifakan chiayu mipangkop ta annay fanag, ngim nalikat à isuplikar an chiayu tan isù amnutan na somsomòyu wi achiyu pu maawatan.

2 Timoteo 4:4

Man-awichanchan katuttuwaan tan siya patpatkancha afus na ur-ullitcha.

Apostoles 7:57

Ad na pangpangun na Judio, impupchan ingacha, ad nampauycha ta achicha pu chongron na ifakan Esteban. Ad kinankanaschay manòman siya,

Nipaakammu 22:2

Ad umayus ta kawan na arsa ta sachi ili. Ad na nampaikid ta sachi chawwang, awad na imong wi mamiyag ta taku, wi finurani mamkas. Ad na tufucha, usaroncha iyakas ta losani taku ta ailiili.

Apostoles 3:19

Siyan masapur mamfafawiayu ya mansakung-ayun Apudyus ta pakawanonan fasuryu

Lucas 19:42

wi anana, “Chiayuy iJerusalem, maawatanyu kuma ta sanay padcha na kasapuranyù makatimpuyukanyun Apudyus! Ngim chaanyu pu akammuwon, ad nilaus!

Apostoles 28:27

tan na anchanayay taku, kapu ta natangkin na urucha, achicha pu atinguron na ifagfakà ya mangkikimitcha koy umisì ta achicha iillan à saon, tan lawingonchay chongron ya maawatan na ifagfakà, ya achicha pu ko mansakung an saon ta pafaruwò chicha.’”