Zɛfinaya 3:9 - Krio Fɔs Oli Baybul

⁹ Dat tɛm de dɛn ɔl go de tɔk wan laŋwej, dat na fɔ de pre to PAPA GƆD nɔmɔ wit ɔl dɛn at ɛn du wetin i want.

Zɛfinaya 3:9 Referans Kwoze

Jɛnɛsis 11:1

Fɔs fɔs tɛm, na wangren laŋwej ɔlman na di wɔl bin de tɔk, ɛn na bin di sem we dɛn bin de tɔk am.

Ayzaya 19:18

Da de de, fayv siti go de na Ijipt we go tɔk di laŋwej we dɛn de tɔk na Kenan, ɛn dɛn go swɛ se dɛn de wit PAPA GƆD Ɔlmayti. Wan pan dɛn wande go nem, di San in Siti.

Di Sam Dɛm 22:27

Ɔlman na wɔl go mɛmba se i fɔ prez PAPA GƆD ɛn nain go bi PAPA GƆD insay ɔl di os dɛn,

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Abakɔk 2:14

Bɔt lɛk aw wata de ful na si, na so ɔlman go no bɔt PAPA GƆD in pawa ɛn di wɔndaful tin we i de du.

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Matyu 12:35

Pɔsin we gud, de mɛmba gud nain at, dat de mek i tɔk gud tin; bɔt bad pɔsin de mɛmba bad nain at ɛn na bad tin i de tɔk.

Zɛkaraya 14:9

Na PAPA GƆD go de rul di wanol wɔl; ɔlman go de wɔship am ɛn kɔl am di sem nem.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Zɛfinaya 2:11

PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Di Sam Dɛm 113:3

Frɔm we do klin te san go dɔŋ, wi fɔ de prez PAPA GƆD in nem.

Jɛnɛsis 4:26

Sɛth bin gɛt wan bɔypikin we nem Inɔsh. Na da tɛm de pipul dɛn bigin fɔ wɔship PAPA GƆD ɛn kɔl in Oli Nem.

Ayzaya 57:19

PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

Izikɛl 37:17

Dɔn, jɔyn dɛn togɛda fɔ mek wan tik, so dat dɛn go bi wan na yu an.

Ayzaya 6:7

I tɔch mi mɔt ɛn tɔk se, “as dis dɔn tɔch yu mɔt so, ɔl wetin yu gilti bɔt dɔn dɔn, ɛn PAPA GƆD dɔn fɔgiv yu sin.”