Zɛfinaya 3:8 - Krio Fɔs Oli Baybul

⁸ PAPA GƆD se lɛ dɛn jɛs wet fɔ di tɛm we in go rɛdi fɔ tɔk bɔt ɔl wetin dɛn de du. I se in dɔn mekɔp in maynd fɔ briŋ ɔl di neshɔn dɛn togɛda dɔn i go sho dɛn aw i vɛks. Ɔl in jɛlɔs vɛksteshɔn nain i go put pan dɛn ɛn dɔnawe wit ɔlman na wɔl.

Zɛfinaya 3:8 Referans Kwoze

Joɛl 3:2

in go gɛda di neshɔn dɛn ɛn kɛr dɛn go na di Vali ɔf Jɔjmɛnt. I se na de i go jɔj dɛn fɔ wetin dɛn du to di Izrɛlayt dɛn, we nain pipul. I se dɛn skata in pipul ɔlɔbɔt ɛn sheb in land, dɔn dɛn

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Mayka 7:7

I se fɔ in yon say, in go luk to PAPA GƆD nɔmɔ as nain na di GƆD we de sev am ɛn i go yɛri am.

Di Sam Dɛm 27:14

Put yu trɔs pan PAPA GƆD. Nɔ giv ɔp put yu at dɔŋ. Put yu trɔs pan PAPA GƆD.

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

Rɛvɛleshɔn 16:14

Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Matyu 25:32

Ɔlman go gɛda bifo am, dɔn i go sheb dɛn tu say lɛkɛ aw di man we de mɛn ship ɛn got de sheb dɛn, di ship wansay ɛn di got wansay.

Abakɔk 2:3

I se di tɛm nɔ rich yet fɔ lɛ wetin i go si na di vishɔn apin; bɔt di tɛm gɛt fɔ kam jisnɔ, i go bi ma; i se i fɔ bia fɔ si wetin go apin bikɔs i go tan lɛk natin nɔ de bi bɔt na di rayt tɛm i go bi.

Ozie 12:6

Naw, i want dɛn fɔ kam bak to PAPA GƆD. Lɛ dɛn tek in wɔd fɔ lɛk dɛnsɛf, trit dɛn kɔmpin fayn ɛn jɛs de du wetin PAPA GƆD want.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

Sɔlɔmɔn In Siŋ Dɛm 8:6

Fiks mi lɛkɛ lɔk na yu at lɛkɛ lɔk na yu an; bikɔs lɔv traŋa lɛk day, jɛlɔs wikɛd pas di grev. I de bɔs lɛk we faya de bɔs, di faya we wam tumɔs.

Prɔvabs 20:22

Nɔ se yu de tɔn dɛt gi pɔsin, lɛf lɛ PAPA GƆD fɛt fɔ yu.

Di Sam Dɛm 123:2

As mɔntbɔy de luk ɔp to in masta, ɛn as nɔsi de luk ɔp to in misis, na so wi de luk ɔp to PAPA GƆD, te i av masi pan wi.

Di Sam Dɛm 62:5

Na PAPA GƆD nɔmɔ de mek a gɛt pis na mi sol nain nɔmɔ a abop pan.

Di Sam Dɛm 62:1

Na PAPA GƆD nɔmɔ de mek a gɛt pis na mi sol; nain nɔmɔ de sev pɔsin.

Di Sam Dɛm 37:34

I go mek yu ed big we yu go go na di land; ɛn yu go si we i de dɔnawe wit di bad man.

Di Sam Dɛm 37:7

Sidɔm, luk wetin PAPA GƆD go du; nɔ wɔri yusɛf bikɔs bad pipul de si bɛtɛ pan ɔl di bad tin dɛn we dɛn de mek ɔp fɔ du.

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Rɛvɛleshɔn 16:1

Wɛn dat dɔn, na de a yɛri vɔys insay Gɔd in Os de tɔk to di sɛvin enjɛl dɛn se, “Una go tek dɛn sɛvin kɔp we ful wit di vɛks we Gɔd vɛks, ɛn trowe am pan di wɔl!”

Di Sam Dɛm 79:5

PAPA GƆD, aw lɔŋ? Yu go vɛks pan wi te go? Aw lɔŋ yu go mek di vɛks we yu vɛks ɛn di jɛlɔs, tan lɛk faya fɔ bɔn wi?

Di Sam Dɛm 79:6

Put yu vɛksteshɔn pan di pipul na dɛn kɔntri we nɔ no yu ɔ we nɔ de pre to yu;

Ayzaya 14:26

Na di tin dis we a dɔn mekɔp fɔ du fɔ di wanol wɔl; ɛn na di an di we de ɔl oba di neshɔn dɛn.

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.

Egay 2:22

ɛn i go ovatro di kindɔm dɛn; i se in dɔn rɛdi fɔ nɔnsɛns dɛn trɛnk dɛn na dɛn neshɔn wit kiŋ dɛn, ɛn i go mek dɛn ɔs ɛn karej ɛn di man dɛn we de rayd dɛn wit di ɔs dɛn ɛn dɛn yon rayda dɛn, ɔl day wan bay wan we dɛn kɔmpin dɛn go kil dɛn.

Ayzaya 34:2

Bikɔs PAPA GƆD in at wam bad bad wan pan ɔl di neshɔn dɛn, ɛn vɛks pan ɔl di wan dɛn we tap de, I dɔn kɔndɛm dɛn, ɛn dɔn gi dɛn ɔp fɔ mek dɛn go kil dɛm.

Ayzaya 63:6

A mas mas difrɛn difrɛn pipul dɛn wit wamat, A nyakanyaka dɛn we a vɛks, ɛn a trowe dɛn blɔd we de gi dɛn layf, na grɔn.”