Zɛfinaya 3:7 - Krio Fɔs Oli Baybul

⁷ I bin min se di pipul dɛn go fred am ɛn tek kɔrɛkshɔn ɛn nɔ go ɛva fɔgɛt wetin dɛn dɔn pas bɔt i tan lɛk na da tɛm de dɛn de bad mɔ ɛn mɔ.

Zɛfinaya 3:7 Referans Kwoze

Ozie 9:9

I se dɛn so dɔn du bad i tan lɛk aw di pipul na Gibia bin biev. I se PAPA GƆD go mɛmba di sin we dɛn de sin ɛn i go pɔnish dɛn fɔ dat.

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Zɛfinaya 3:2

I nɔ de yɛri nɔbɔdi, i nɔ de tek kɔrɛkshɔn. I nɔ abop pan PAPA GƆD, i nɔ de go nia PAPA GƆD.

Jɛrimaya 25:5

se, “Una chenj, una ɔl lɛf dɛn una ivul we dɛm ɛn una lɛf di tin dɛn we una de du we nɔ rayt, ɛn tap na di land we PAPA GƆD dɔn gi una ɛn una fɔstɛmpapa dɛm lɔntɛm, ɛn fɔ sote go;

Jɛrimaya 7:7

a go mek una tap na ya, dis land we a bin dɔn gi una fɔstɛm-papa dɛm sote go.

Pita In Sɛkɛn Lɛta 3:9

Di Masta nɔ de wes tɛm fɔ du wetin i dɔn se in go du, lɛkɛ aw sɔm pipul tink, bɔt i de bia wit una bikɔs i nɔ want mek ɛnibɔdi go ɛl, bɔt i want mek ɔlman sɔri fɔ dɛn sin ɛn lɛf dɛn.

Jɛrimaya 38:17

Nain Jɛrimaya tɛl Zɛdikaya se, Na dis PAPA GƆD Ɔlmayti we na Izrɛl dɛn Gɔd se, If yu sɔrɛnda to di kiŋ na Babilɔn in bigman dɛm, dɛn go spia yu layf ɛn dɛn nɔ go bɔn dis siti wit faya, ɛn yu ɛn ɔlman na yu os nɔ go day.

Jɛrimaya 8:6

A dɔn pe atɛnshɔn to dɛm ɛn dɔn lisin dɛm, bɔt dɛn nɔ tɔk tru; nɔn pan dɛm nɔ ripɛnt fɔseka in wikɛdnɛs, bifo dat dɛn de aks se, ‘wetin a du?’ Ɔlman de go in yon we, lɛkɛ we ɔs de rɔn go insay batul fil.

Ayzaya 63:8

Bɔkɔs I se, Fɔ tru tru, dɛn na mi pipul dɛn, bɔy pik dɛn we nɔ go ple yuki yuki; ɛn I kam bi dɛn seviɔ.

Ayzaya 5:4

Wetin mɔ a fɔ du fɔ mi grep fam we a nɔ du yet? Wɛn a de luk se i go bia greps, wetin mek i bia sawa grep?

2 Kronikuls 33:11

Fɔseka dat PAPA GƆD briŋ kɔmand dɛm na di Asinyan kin in ami we tot Manasɛ wit uk ɛn tay am wit bras chen ɛn briŋ am kam babilɔn.

Ditarɔnɔmi 4:16

dɛn nɔ fɔ go mek ɛnitin we fiba mɔtalman ɔ ɛni ɔda tin we fiba di man yon ɔ di uman yon,

Jɛnɛsis 6:12

PAPA GƆD si se dis bad dɔn pasmak na di wɔl.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Job 36:10

I de mek dɛn yɛri in wɔd usay i tɛl dɛn traŋa wan se, dɛn fɔ lɛf fɔ du bad.

Di Sam Dɛm 32:8

PAPA GƆD se, “A go tich yu ɛn tɛl yu wetin fɔ du mi yay go fala yu, ɛnisay we yu go.”

Prɔvabs 19:20

If yu de tek advays ɛn rɛdi fɔ lan, wan fayn de yusɛf go gɛt sɛns.

Jɛrimaya 6:8

A de wɔn una o, Jerusɛlɛm, if nɔ so, a go avɔyd una; if nɔ so a mek yu ɛmti ples, land we nɔbɔdi nɔ tap.”

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.